Mir Hasan Mir
Mir Sajjad Mir
Tu Agar Hota To Aaisa Nahi Hota Ghazi
Qabar e Abbas Pe Zainab Ye Sada Deti Thi
Tu Agar Hota To Aaisa Nahi Hota Ghazi
Kabhi Yasrab To Kabhi Soo e Najaf Dekhte The
Kabhi Tere Kate Shano Ki Taraf Dekhte The
Sheh Ne Akbar Ke Kalaije Se Nikali Barchhi
Ho Gayi Sani e Zahra Bhi Zaeefa Abbas
Sans Leti Hon Magar Main Nahi Zinda Abbas
Tere Tukdon Ki Qasam Teri Behan Toot Gayi
Pyas Main Bhi Tujhe Awaz Diye Jate The
Zair e Khanjar Bhi Tera Naam Liye Jate The
Gardan e Shah Pe Jab Shimr Chalata Tha Chhuri
Mere Hathon Ko Bhi Rasi Se Gaya Tha Bandha
Main Bhi Hathon Ka Na Le Payi Sahara Bhaiya
Jaise To Zeen Se Gira Waise Main Naqe Se Giri
Qaid Khana Bhi Ghareebi Pe Meri Rota Hai
Lash Mastoor Uthaye Ye Kahan Hota Hai
Farz Baiton Ka Nibha Aayi Ali Ki Beti
Kaise Batlaon Wo Darbar Ka Manzar Bhaiya
Khailta Tha Sar e Sarwar Se Sitamgar Bhaiya
Marta Tha Mere Mazloom Ke Honton Pe Chadi
Qabr Mein Chain Se Masoom Ko Sone Na Diya
Wo Sitam Dhaya Gaya Kanp Gayi Karbobala
Lash Dhondhi Gayi Naizon Se Ali Asghar Ki
Ladkhadate The Bohat Paon To Gir Jate The
Ho Kahan Mere Jawan Ro Ke Ye Farmate The
Lash Milti Na Thi Bhaiya Ko Ali Akbar Ki
Mir Sajjad Ye Mehsoos Karo Ge Tum Bhi
Aati Hai Roza e Ghazi Pe Sada Sarwar Ki
Aaj Bhi Qaid Hai Zindan Mein Bachi Meri
