Hussain Ruk Jao Lyrics - Mir Hasan Mir

This website is for sale — Interested? Learn more →

Hussain Ruk Jao Lyrics - Mir Hasan Mir

Hussain Ruk Jao Lyrics in Urdu

صدائیں دیتا ہے کعبہ حُسینؑ رُک جاؤ

نہ بدلو حج کا ارادہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

تُم اپنے جد کے مکاں مِیں ہو بے دِیار نہیں
حُسینؑ مُجھ کو زمانے کا اعتبار نہیں
ہے ساتھ ثانیء زہراؑ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

تُمہارے پاؤں پکڑتی ہے سر زمینِ حرم
خُدا کے واسطے آگے نہ اب بڑھاؤ قدم
نہ جاؤ جانبِ کوفہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

اِن حاجیوں کی ذرا بھی نہیں ہے فکر مُجھے
ہے بس یہ فکر کے گر آپ مُجھ کو چھوڑ گئے
میرا بھی حج نہیں ہوگا حُسینؑ رُک جاؤ
صدائیں دیتا ہے کعبہ حُسینؑ رُک جاؤ

کہو رُبابؑ سے بے شیر کو بھی لے آؤ
علیؑ کی طرح یہاں پر مکین ہو جاؤ
تُمہارا بچہ ہے چھوٹا حُسینؑ رُک جاؤ
صدائیں دیتا ہے کعبہ حُسینؑ رُک جاؤ

علیؑ کو قیدی بنایا گیا مدینے مِیں
سُنا ہے بی بیؑ کو مارا گیا مدینے مِیں
ارے سُناؤ غُربتِ زہراؑ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

کریں گے جشن کہ یومِ امیرؑ ہے نزدیک
غریبِ زہراؑ نہ جاؤ غدیر ہے نزدیک
پڑھیں گے مِل کے قصیدہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

سُنا ہے کرب و بلا مِیں بلا کی گرمی ہے
تُمہیں پتا ہے اِسے کتنی پیاس لگتی ہے
ہے ساتھ بالی سکینہؑ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

لعین پھرتے ہیں احرام مِیں لیئے خنجر
تُم اپنی بہنوں کو لے آؤ کعبے کے اندر
ہر ایک سمت ہے خطرہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

جو گُزری تُم پے مُصیبت اُنہیں سُنا دینا
سمجھ کے مرقدِ زہراؑ دیا جلا دینا
یہیں ہے قبرِ خدیجہؑ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

اُنہیں خبر ہے نہ چھوڑیں گی تُم کو وہ تنہا
تُمہاری ماں سے زیادہ چلا نہیں جاتا
ہے اُن کا پہلو شکستہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ

وہ غم اِمامؑ کا سجادؔ کس طرح لکھے
نکل کے مکّہ سے کتنا حُسینؑ روئے تھے
بُلاتا رہ گیا کعبہ حُسینؑ رُک جاؤ
صدائیں دیتا ہے کعبہ حُسینؑ رُک جاؤ