Mir Hasan Mir
Mir Takallum
Karte Hain Matam Haram Abbas Ka
Ho Gaya Marna Sitam Abbas Ka
Haye Alamdar Haye Alamdar
Kehte The Kamar Tham Ke Yeh Syed e Abrar
Haye Alamdar Haye Alamdar
Yeh Haal Hai LasheKa Sanbhala Nahi Jata
Teer Aankh Se Bhai Ki Nikala Nahi Jata
Imdad Ko Aa Jaiye Ya Haider e Karrar
Haye Alamdar Haye Alamdar
Zainab Ne Teri Aas Pe Chhoda Tha Madina
Main Kaise Bataon Osse Saqa e Sakina
Mara Gaya Zaianb Teri Chadar Ka Nigehdar
Haye Alamdar Haye Alamdar
Tum Qatal Howe Hum Pe Bhi Chal Jaye Gi Shamsheer
Aghyar Mein Reh Jaye Gi Tanha Meri Hamsheer
Zainab Ki Rida Bachne Ke Baqi Nahi Aasaar
Haye Alamdar Haye Alamdar
Jis Tarha Se Ghar Laye The Masjid Se Ali Ko
Oss Tarha Se Le Jaein Gaye Khaime Mein Jrri Ko
Akbar Mere Bhai Ka Janaza Karo Teyar
Haye Alamdar Haye Alamdar
Bazu Bhi Qalam Ho Gaye Ae Bazu e Shabbir
Tukre Hai Badan Aankh Mein Paiwast Howa Teer
Kis Ne Yeh Meri Maa Ki Duaon Pe Kiya Waar
Haye Alamdar Haye Alamdar
Aati Hai Sada Loot Lo Namoos e Nabi Ko
Ab Marna Aasaan Hai Hussain Ibn e Ali Ko
Marne Pe Tere Jashn Manate Hain Sitamgaar
Haye Alamdar Haye Alamdar
Akbar Humein Mushkil Se Bohat Laye Hain Bhai
Maidan Mein Girte Howe Hum Aaye Hain Bhai
Aankhein To Zara Kholo Mere Monis o Ghamkhawar
Haye Alamdar Haye Alamdar
Ik Baat Tumhein Karb Ki Batlata Hoon Bhaiya
Jab Bhi Koi Masooma Ke Mare Ga Tamacha
Ro Ro Ke Pukare Gi Sakina Tumhein Har Baar
Haye Alamdar Haye Alamdar
Tha Mir Takallum Yehi Shabbir Ka Noha
Jate Howe Pora Karo Arman Hamara
Ae Bhai Humein Bhai Pukaro Zara Ik Baar
Haye Alamdar Haye Alamdar
Kehte The Kamar Tham Ke Yeh Syed e Abrar
Haye Alamdar Haye Alamdar
