Dar e Ghazi Lyrics - Mir Hasan Mir

This website is for sale — Interested? Learn more →

Dar e Ghazi Lyrics in Urdu

جنت درِ غازیؑ سے زیادہ تو نہیں ہے

اے عشق یہ نقصان کا سودا تو نہیں ہے
جنت درِ غازیؑ سے زیادہ تو نہیں ہے

کس دَر پہ قطاروں مِیں کھڑے ہیں یہ فرشتے
جبریلؑ یہ عباسؑ کا روضہ تو نہیں ہے
جنت درِ غازیؑ سے زیادہ تو نہیں ہے

کیا مشکِ سکینہؑ مِیں اُٹھا لے گئے عباسؑ
ساحل پہ فقط ریت ہے دریا تو نہیں ہے
جنت درِ غازیؑ سے زیادہ تو نہیں ہے

کٹ کٹ کے گِرا جاتا ہے کیوں شام کا لشکر
غازیؑ نے ابھی دیکھا ہے مارا تو نہیں ہے
جنت درِ غازیؑ سے زیادہ تو نہیں ہے

فرعون نہ بن اب بھی مدد لے لے جرّی سے
تو ڈوب رہا ہے ابھی ڈوبا تو نہیں ہے
جنت درِ غازیؑ سے زیادہ تو نہیں ہے

ماہِ بنی ہاشم نظر آتا نہیں تُجھ کو
تو عقل کے اندھے کہیں اندھا تو نہیں ہے
جنت درِ غازیؑ سے زیادہ تو نہیں ہے

آپس مِیں یہ ڈر ڈر کے لعیں پوچھ رہے تھے
عباسؑ کا لڑنے کا ارادہ تو نہیں ہے
جنت درِ غازیؑ سے زیادہ تو نہیں ہے

ہر سال میری ماں یہی کہتی رہی مُجھ سے
ماتم ابھی زنجیر کا ویسا تو نہیں ہے
جنت درِ غازیؑ سے زیادہ تو نہیں ہے

عباسؑ نے سینے سے لگایا ہے تُجھے حُرؑ
اب اور کوئی دِل مِیں تمنا تو نہیں ہے
جنت درِ غازیؑ سے زیادہ تو نہیں ہے

موسیٰؑ بڑی اونچائی پہ ہے طور تُمہارا
لیکن درِ عباسؑ سے اونچا تو نہیں ہے
جنت درِ غازیؑ سے زیادہ تو نہیں ہے

آتا ہے یہ جب گھر مِیں تو اُٹھ جاتے ہیں سجادؑ
یہ حضرتِ عباسؑ کا بیٹا تو نہیں ہے
جنت درِ غازیؑ سے زیادہ تو نہیں ہے

جو بھول گیا حرمتِ عباسؑ کو سجادؔ
کوئی میرا اپنا بھی اگر تھا تو نہیں ہے
جنت درِ غازیؑ سے زیادہ تو نہیں ہے

Dar e Ghazi Lyrics - Mir Hasan Mir