Mir Hasan Mir
Mir Sajjad Mir
Janat Dar e Ghazi Se Zyada Tu Nahi Hai
Aye Ishq Yeh Nuqsan Ka Soda Tu Nahi Hai
Janat Dar e Ghazi Se Zyada Tu Nahi Hai
Kis Dar Pe Qataron Mein Kharey Hain Yeh Farishtay
Jibreel Yeh Abbas Ka Roza Tu Nahi Hai
Janat Dar e Ghazi Se Zyada Tu Nahi Hai
Kiya Mashk e Sakina Mein Utha Le Gaye Abbas
Sahil Pe Faqat Rait Hai Darya Tu Nahi Hai
Janat Dar e Ghazi Se Zyada Tu Nahi Hai
Kat Kat Ke Gira Jata Hai Kyun Sham Ka Lashkar
Ghazi Ne Abhi Dekha Hai Mara Tu Nahi Hai
Janat Dar e Ghazi Se Zyada Tu Nahi Hai
Firon Na Ban Ab Bhi Madad Le Le Jarri Se
Tu Doob Raha Hai Abhi Doba Tu Nahi Hai
Janat Dar e Ghazi Se Zyada Tu Nahi Hai
Mah e Bani Hashim Nazar Aata Nahi Tujh Ko
Tu Aqal Ke Andhay Kahin Andha Tu Nahi Hai
Janat Dar e Ghazi Se Zyada Tu Nahi Hai
Aapas Mein Yeh Dar Dar Ke Laeen Poch Rahe They
Abbas Ka Larney Ka Iradah Tu Nahi Hai
Janat Dar e Ghazi Se Zyada Tu Nahi Hai
Har Saal Meri Maa Yehi Kehti Rahi Mujh Se
Matam Abhi Zanjeer Ka Waisa Tu Nahi Hai
Janat Dar e Ghazi Se Zyada Tu Nahi Hai
Abbas Ne Seene Se Lagaya Hai Tujhey Hur
Ab Our Koi Dil Mein Tamana Tu Nahi Hai
Janat Dar e Ghazi Se Zyada Tu Nahi Hai
Mosa Bari Onchayi Pe Hai Toor Tumhara
Lekin Dar e Abbas Se Oncha Tu Nahi Hai
Janat Dar e Ghazi Se Zyada Tu Nahi Hai
Aata Hai Yeh Jab Ghar Mein Tu Uth Jate Hain Sajjad
Yeh Hazrat e Abbas Ka Beta Tu Nahi Hai
Janat Dar e Ghazi Se Zyada Tu Nahi Hai
Jo Bhool Gaya Hurmat e Abbas Ko Sajjad
Koi Mera Apna Bhi Agar Tha Tu Nahi Hai
Janat Dar e Ghazi Se Zyada Tu Nahi Hai