Mir Hasan Mir
Bilal Kazmi
Ayyo Hannas Dil e Haider e Karrar Hoon Main
Sab Mere Samne Majboor Hain Mukhtar Hoon Main
Sorma Saf Shikan o Ghazi o Jarrar Hoon Main
Aalam e Zar Se Kissi Foaj Ka Salar Hoon Main
Asadullah Ka Akas Mujhe Kehte Hain
Shair Hoon Iss Liye Abbas Mujhe Kehte Hain
Aarzu Hai Tu Koi Harf e Dua Hai Lekin
Jo Bhi Moti Hai Woh Sach Hai Khara Hai Lekin
Koi Mosa Koi Haron e Wafa Hai Lekin
Kanz e Mabood Nageno Se Bhara Hai Lekin
Kul e Eman e Imam e Azali Ne Manga
Main Akela Hoon Jissay Rab Se Ali Ne Manga
Al Garz Behar e Manajat Uthe Dast e Khuda
Saj Gayi Bolte Quran Ke Honton Pe Dua
Rukh e Tareekh e Okhowat Pe Chadha Rang e Wafa
Bait e Molood e Haram Dekh Ke Qudrat Ne Kaha
Ab Gharor e Shab e Tareek Zara Maand Bhi Ho
Baranh (12) Soraj Hain Jab Iss Ghar Mein To Ik Chand Bhi Ho
Rah Mushkil Ho Tu Aasan Bana Deta Hoon
Khar Zaron Ko Gulistan Bana Deta Hoon
Harf e Ruswa Ho Tu Zeeshan Bana Deta Hoon
Main Bhikari Ko Bhi Sultan Bana Deta Hoon
Apne Aaqa Ke Gulistan Ka Gul e Taza Hoon
Woh Agar Shehar e Sakhawat Hain Main Darwaza Hoon
Kya Kaha Shah e Abuzar Se Mile Ga Ke Nahi
Aab Kooze Ko Samandar Se Mile Ga Ke Nahi
Noor Kuch Mehar e Munawar Se Mile Ga Ke Nahi
Sochte Ho Keh Mere Ghar Se Mile Ga Ke Nahi
Shab Ke Phande Mein Gala Daal Diya Jhool Gaye
Kya Mera Baab e Hawaij Ka Laqab Bhool Gaye
Koi Zar Koi Gohar Koi Rida Mangta Hai
Ye Zamana Mujhe De De Ke Sada Mangta Hai
Youn To Har Lehja e Beemar Shifa Mangta Hai
Aa Ke Kafir Koi Jab Mujh Se Dua Mangta Hai
Paish e Rab Kalma e Tauheed Padha Deta Hoon
Main Duaon Ko Musalman Bana Deta Hoon
Hai Shajar Aik Muradoon Ke Samar Baran Hain
Hai Sadaf Aik Taharat Ke Gohar Baran Hain
Aasmaan Aik Imamat Ke Qamar Baran Hain
Aik Hai Ahl e Nazar Noor e Nazar Baran Hain
Barah Anwar e Imamat Ka Jo Ik Ghalib Hai
Main Bhi Pota Hoon Ossi Ka Jo Abu Talib Hai
Chote Bhai Ko Ladai Ki Ijazat De Do
Taigh e Bismil Ko Kalai Ki Ijazat De Do
Foaj e Batil Ki Safai Ki Ijazat De Do
Aaj Ke Din To Ladai Ki Ijazat De Do
Hasrat e Taigh Pe Kha Kha Ke Taras Katte Hain
Issi Din Ke Liye Batees Baras Katte Hain
Sahib e Mashk o Alam Khaime Se Be Taigh Chala
Phir Bhi Jibreel Ne Shehpar Ke Liye Wird Padha
Dar Se Khamosh Howa Our Bhi Kuchh Dil Dharka
Jab Mili Shair Ki Aahat To Pukara Darya
Rah Takta Tha Main Jis Ki Wohi Salik Aaya
Ghasib o Ghaat Se Bhago Mera Malik Aaya
Chup Hoi Nehar Tu Abbas Ki Gonji Aawaz
Banda e Khas Ossi Ka Hoon Jo Hai Banda Nawaz
Apne Hi Khoon Se Wozu Kar Ke Basad Ijz o Niyaz
Mujh Ko Parhna Hai Sakina Ki Muhabbat Ki Namaz
Meri Janib Se Shahadat Ko Zabaan De Di Hai
Ali Akbar Ne Sawere Hi Azaan De Di Hai
Aasmaan Tak Jo Gayi Shair e Nayastan Ki Pukar
Malak ul Maut Ne Ghabra Ke Kaha Jee Sarkar
Lehja e Ghaiz Mein Bola Ye Hussaini Jarrar
Sun Rahe Ho Jo Tarai Pe Hai Shor e Ashrar
Dushmani Mein Ye Kayi Roz Se Bal Khate Hain
Jao Darya Pe Khabar Kar Do Ke Ham Aate Hain
Pehre Daroon Ki Sada Thi Ke Tarai Chodho
Apne Bas Mein Nahi Hargiz Ye Larai Chodho
Ab Ye Faryad Yeh Giriya Ye Duhai Chodho
Waqt Hai Bhag Nikalne Ka Kalai Chodho
Ghaiz Mein Aa Ke Jo Talwar Chala Deta Hai
Ye Parindon Ki Tarha Sar Ko Uda Deta Hai
Shair Bola Keh Halakat Ke Nishaan Tak Bhago
Tum Khiyalon Ke Musafir Ho Gumaan Tak Bhago
Bhag Sakte Ho Jahan Tak Bhi Wahan Tak Bhago
Sham Se Aaye Ho Hinda Ke Makaan Tak Bhago
Maut Ki Rah o Rawish Khainch Ke Le Aayi Hai
Tum Ko Naize Ki Kashish Khainch Ke Le Aayi Hai
Gham e Sufyaan Ke Dilase Ho Kahan Jate Ho
Jane Kitno Ki Khata Se Ho Kahan Jate Ho
Tum To Hinda Ke Nawase Ho Kahan Jate Ho
Badar Ke Roz Se Pyase Ho Kahan Jate Ho
Kasa e Lafz e Halakat Se Mani Pe Lo
Khoon Ke Pyaso Meri Talwar Se Pani Pe Lo
Shimar Buzdil Se Pah e Joor Manga Our Manga
Dair Kis Baat Ki Fill Foor Manga Our Manga
Apne Anjam Pe Kar Ghoor Manga Our Manga
Mujh Se Ladna Hai Tu Foaj Our Manga Our Manga
Ashhal e Zeerak o Hoshiyar Kuchal Dale Ga
Itna Lashkar Mera Rahwar Kuchal Dale Ga
Hai Mere Waar Ki Raftar Hawa Ko Maloom
Khadma Taig e Ali Hai Mere Hamle Makhdoom
Sabhi Jurat Ki Safon Mein Hai Azzal Se Meri Dhoom
Jism Ajab Hone Lagin Gen Abhi Jaan Se Mehroom
Har Shujat Ke Dhani Ibn e Wali Aaye Hain
Tum Ye Kehte Hoye Bhago Ge Ali Aaye Hain
Apne Dil Mein Hai Jawaan Fatah e Khaybar Ki Umang
Sang Ko Moom Karein Ham To Kabhi Moom Ko Sang
Zindagi Lamhon Mein Be Deno Pe Ho Jaye Gi Tang
Bhool Jao Ge Abhi Rustam o Sohrab Ki Jang
Hum Jo Talwar Ke Qabze Mein Kalai Dein Ge
Unn Ke Ajdad Bhi Qabron Se Dohai Dein Ge
