Agaya Sher E Ali

Agaya Sher E Ali Lyrics

Abbas Abbas Abbas Abbas
Abbas Abbas Abbas Abbas

Ameer e Lashkar e Hussain
Ameer e Lashkar e Hussain

Bara Boland Hosla
Misal e Shah e Lafatah
Gharor e Aal e Mustafa
Wafa Ba Had e Mojza
Hizabar e Dasht e Nainawa
Ameer e Lashkar e Hussain

Abbas Abbas Abbas Abbas

Agaya Sher e Ali, Agaya Sher e Ali

Sham Ki Foaj Yeh Kehte Hoye Darya Se Hati
Agaya Sher e Ali, Agaya Sher e Ali

Par Sametay Hoye Jibreel Ne Aawaz Yeh Di
Agaya Sher e Ali, Agaya Sher e Ali

Roab Se Shair e Dilawar Ke Falak Bhi Kham Hai
Chotay Hazrat Ki Sawari Ka Ajab Aalam Hai
Chand Badhta Hai Sarakti Hain Ghataein Sari
Agaya Sher e Ali, Agaya Sher e Ali

Ran Mein Abbas Hi Abbas Dikhai Dein Gay
Aaj Siffeen Ke Murday Bhi Duhai Dein Gay
Foaj Ke Haal Mein Yaad Aaye Ga Sab Ko Mazi
Agaya Sher e Ali, Agaya Sher e Ali

Kis Shair Ki Aamad Hai Ke Ran Kanp Raha Hai
Ran Aik Taraf Charkh e Kohan Kanp Raha Hai
Rustam Ka Badan Zair e Kafan Kanp Raha Hai
Har Qasar e Salateen e Zaman Kanp Raha Hai
Shamsheer Bakaf Dekh Ke Haider Ke Pisar Ko
Jibreel Laraztay Hain Sametay Hoye Par Ko
Agaya Sher e Ali, Agaya Sher e Ali

Sham Walon Ke Liye Waqt e Zawwal Aaya Hai
Aaj Zahra Ki Mashiyat Ko Jalal Aaya Hai
Al Amaan Kehte Hain Jinnat o Malak Hoor o Pari
Agaya Sher e Ali, Agaya Sher e Ali

Dam Ba Khud Sorah e Israfil Howa Hai Iss Dam
Kya Qayamat Hai Laraztay Hain Paharon Ke Qadam
Zalzala Hai Ya Zameen Leti Hai Sansein Jaldi
Agaya Sher e Ali, Agaya Sher e Ali

Rahat Ke Mahalon Ko Bala Poch Rahi Hai
Hasti Ke Makano Ko Fana Poch Rahi Hai
Taqdeer Se Umar Apni Qaza Poch Rahi Hai
Dozakh Ka Pata Foaj e Jafa Poch Rahi Hai
Al Hashar Jo Murday Na Pukarein Tu Ghazab Hai
Al Maut Zaban e Malak Al Maut Pe Ab Hai
Agaya Sher e Ali, Agaya Sher e Ali

Taigh e Abbas Bhi Bijli Ki Chamak Jaisi Hai
Lashkar e Sham Ki Yeh Kali Ghata Kehti Hai
Aaj Maidan Mein Barsat Saron Ki Hogi
Agaya Sher e Ali, Agaya Sher e Ali

Ran Se Har Bhagney Wala Yeh Sada Deta Hai
Shair Ke Hath Mein Talwar Nahi Naiza Hai
Yeh Issi Naizay Mein Hum Sab Ko Piro De Ga Abhi
Agaya Sher e Ali, Agaya Sher e Ali

ALLAH Rahe Aamad Aamad e Abbas Saf Shikan
Larzaan They Koh Hiltay They Dil Kanpta Tha Tan
Jangal Ke Shair Ban Gaye They Khof Se Haran
Ik Shoor Tha Keh Aaj Paray Ga Ghazab Ka Ran
Yeh Shair Kam Nahi Asad e Qala Geer Se
Goya Moqabila Hai Janab e Ameer Se
Agaya Sher e Ali, Agaya Sher e Ali

Har Taraf Maut Ka Maidaan Mein Laga Hai Pehra
Zair e Lab Parhtay They Jis Tarha Ali Ya Zahra
Waisay Maidan Mein Duhratay Hoye Nad e Ali
Agaya Sher e Ali, Agaya Sher e Ali

Ho Gayi Aap Ke Aane Mein Takallum Takheer
Likh Chukay Aamad e Abbas Anees Our Dabeer
Unn Ke Misroon Ki Sada Gaunj Rahi Hai Ab Bhi
Agaya Sher e Ali, Agaya Sher e Ali