Mir Hasan Mir
Mir Takallum
Chacha Main Aap Ki Turbat Banane Aaya Hon
Sakina Ab Bhi Hai Pyasi Batane Aaya Hon
Chacha Main Aap Ki Turbat Banane Aaya Hon
Bataon Kaise Chacha Kya Guzar Gayi Hum Par
Har Aik Shehar Mein Mare Gaye Humein Pathar
Thi Maaein Phophiyan Mere Sath Ae Ali Ke Pisar
Ye Sare Zulm Ke Qise Sunane Aaya Hon
Harm Ko Choor Ke Kufe Se Aa Raha Hon Chacha
Bata Gaye Hain Tumhari Wasiyatein Baba
Wahin Ho Qabr Chhida Tha Wahan Pe Mashkeeza
Kiya Tha Sheh Se Jo Wada Nibhane Aaya Hon
Hai Teen Rooz Se Lashe Pe Dhop Ka Saya
Ye Haal Daikh Ke Rota Hai Khon Dil Mera
Ghareeb Hon Main Kafan Tum Ko De Nahi Sakta
Tumhari Lash Ke Tukde Uthane Aaya Hon
Sakina Raha Mein Naqe Se Gir Gayi Thi Abhi
Wahin Hai Taza Riwayat Kamar Pe Likhi Hoyi
Hai Jari Khon Jo Iss Waqt Ayediyon Se Meri
Wahin Se Kha Ke Abhi Taziyane Aaya Hon
Tumhare Samne Aati Hai Sharm Kehte Hoye
Ye Baat Karta Bhala Kaise Samne Un Ke
Abhi Hain Dhor Yahan Se Bani Asad Wale
Phuphi Ki Chin Gayi Chadar Batane Aaya Hon
Laein Ne Bachi Ke Gohar Ko Aaise Chheena Tha
Giri Zameen Pe Sakina Main Khon Rota Tha
Wo Jis Zameen Pe Kano Se Khon Tapka Tha
Wo Khak Rakhne Tumhare Sirhane Aaya Hon
Baghair Inn Ke Tum Utre The Zeen Se Kaise
Harm To Lut Gaye Ye Bazu Kat Gaye Jab Se
Pade The Dhor Ye Lashe Se Aap Ke Kab Se
Katte Ye Bazu Badan Se Milane Aaya Hon
Bana Ke Qabar Takallum Wo Bola Ro Ro Kar
Yahan Pe Aaein Ge Ab Zaireen Sham o Sahar
Jale Khayam Ki Rakh Kar Lahad Pe Khak Magar
Main Pehla Farsh Azza Ka Bichhane Aaya Hon











