Bazar Main Zainab Nay

Bazar Main Zainab Nay Lyrics in Urdu

بازار میں زینب نے مرنے کی دُعا مانگی

جب شام كے لوگوں سے عابدؑ نے رِدا مانگی
بازار میں زینب نے مرنے کی دُعا مانگی

رُخصارِ سكینہ كے کچھ اور ہوئے نیلے
جب سائے میں آنے کی بچی نے رِضا مانگی

جو راہا میں چبھتے تھے عباسؑ کی بہنوں کو
اُن کانٹوں نے خود رو کر مہدیؑ سے سزا مانگی

ہائے اپنے لیے دونوں نے اُمت سے نا کچھ مانگا
زینب نے کفن مانگا سرور نے رِدا مانگی

احساسِ یتیمی پِھر ہونے لگا زینب کو
جب غازیؑ نے بی بی سے مرنے کی رِضا مانگی

ظالم نے طلب کی ہے وہ بچی کَنیزی میں
ہائے شبیرؑ نے جو بیٹی تجھ سے اے خُدا مانگی

یا رب مجھے دِکھلا دے کیسی ہے میری صُغرا
یہ آخری ہچکی میں اکبؑر نے دُعا مانگی

ہائے رکھ دیتی تھی ہاتھ اپنے ماں بچی کے ہونٹوں پر
جب بالی سكینہ نے مرنے کی دُعا مانگی

صُغرا نے دُعاؤں میں سجادؔ نا کچھ مانگا
بعد علی اکبرؑ جو مانگی تو قَضا مانگی