Mir Hasan Mir
Mir Takallum
Abbas Tera Haq Hai Zamana Tujhe Roye
Jab Sham o Sahar Fatima Zahra Tujhe Roye
Abbas Tera Haq Hai Zamana Tujhe Roye
Dura Liye Pehre Pe Sitamagar Khada Hai
Kaise Tere Lashe Pe Sakina Tujhe Roye
Jis Waqt Uthaya Na Gaya Lasha Jawan Ka
Sheh Oss Ghadi Akbar se Zyada Tujhe Roye
Zainab Ne Kaha Sham e Ghareeban Mein Ae Ghazi
Be Parda Mujhe Daikh Ke Baba Tujhe Roye
Bin Hathon Ke Kis Tarha Tu Ghode Se Gira Tha
Ye Sun Ke Bohat Ahl e Madina Tujhe Roye
Mashkeeza Kahin Jism Kahin Hath Kahin Hai
Ja Ja Ke Kahan Fatima Zahra Tujhe Roye
Arman Sakina Ka Tha Jitna Tujhe Roti
Sajjad Teri Qabar Pe Utna Tujhe Roye
Hashim Ke Qamar Kiyon Na Tera Chahne Wala
Washams Ka Padhte Howe Sorah Tujhe Roye
Hasrat Hai Ke Ghazi Ho Lahu Aankh Se Jari
Ye Mir Takallum Kabhi Aaisa Tujhe Roye











