Mir Hasan Mir
Husnain Akbar
Baba Mere Baba
Shah Ki Laadli Jab Qaidiye Zindan Hui
Royi Ghabrayi Bahot Aur Pareshan Hui
Qaid Khane Ki Ghutan Maut Ka Saaman Hui
Jaan Lagta Tha Ke Masoom Ki Bejaan Hui
Laash Shabbir Ki Maqtal May Tadap Jaati Thi
Qaid Khane Se Bachi Ki Sada Aati Thi
Ab Mujhay Koi Sakina Nahi Kehta Baba
Qaidi Kehta Hai Koi Koi Yateema Baba
Ab Mujhay Koi Sakina Nahi Kehta Baba
Main Biyaan Kaise Karon Apni Mosibat Tum Se
Kya Karon Apne Tamachon Ki Shikayat Tum Se
Sunti Hoon Dadi Ne Khaya Tha Tamacha Baba
Ab Mujhay Koi Sakina Nahi Kehta Baba
Neel Rukhsaron Pe Benai Bhi Jis Ki Kam Ho
Umar Ho Char Bars Our Kamar Mein Kham Ho
Aap Ne Dekhi Hai Kya Aisi Zaeefa Baba
Ab Mujhay Koi Sakina Nahi Kehta Baba
Khoon e Be Sheer Se Andaza Kiya Tha Main Ne
Aap Ka chehra Tu Pehchan Liya Tha Main Ne
Aap Pehchano Gay Kaise Mera Chehra Baba
Ab Mujhay Koi Sakina Nahi Kehta Baba
Aap The Door Tu Main Sare Sitam Sehti Rahi
Ro Pari Kofe Ke Darbar Mein Main Seh Na Saki
Aap Ke Samne Jab Shimar Ne Mara Baba
Ab Mujhay Koi Sakina Nahi Kehta Baba
Wo Tu Bemar Thi Mar Jati Safar Mein Aa Ke
Dafan Karte Osse Bazar Mein Bahiya Kaise
Ye Tu Acha Howa Ayi Nahi Sughra Baba
Ab Mujhay Koi Sakina Nahi Kehta Baba
Meri Aankhon Se Bahe Jate The Aanso Oss Dam
Hath Bhi Main Ne Lagaya Nahi Dadi Ki Qasam
Dena Chaha Tha Mujhe Logon NE Sadqa Baba
Ab Mujhay Koi Sakina Nahi Kehta Baba
Oss Ghari Dhond Rahi Thi Main Chacha Jaan Ka Sar
Kaise Batlaon Ke Kya Guzri Teri Beti Par
Haye Mujh Ko Zalim Ne Kaneezi Mein Jo Mara Baba
Ab Mujhay Koi Sakina Nahi Kehta Baba
Bain Ye Karte Hi Khamosh Hoi Wo Akbar
Aaj Tu Jaein Gay Sath Apne Mujhe Bhi Le Kar
Aap Ko Meri Qasam Kijiye Wadah Baba
Ab Mujhay Koi Sakina Nahi Kehta Baba
