Mere Baba Lyrics - Mesum Abbas

This website is for sale — Interested? Learn more →

Mere Baba Lyrics in Urdu

ہائے ہائے ہائے سکینہ

میرے بابا میں کروں کیا
خاک پر نیند نہیں آتی ہے

یاد آتا ہے مجھے رہ رہ کر
آپ کا سینا تھا میرا بستر
آج یہ وقت پڑا ہے بابا
خاک بستر ہے اندھیرا چادر
دن تڑپ کر میں گزاروں
رات ماتم میں گزر جاتی ہے
میرے بابا میں کروں کیا
خاک پر نیند نہیں آتی ہے

کون فریاد سنے گا میری
ساتھ ہے میرے میری تنہائی
کان زخمی ہیں جگر زخمی ہے
خون کانوں سے ابھی جاری ہے
کوئی مرہم نہ دوا ہے
موت نزدیک ہوئی جاتی ہے
میرے بابا میں کروں کیا
خاک پر نیند نہیں آتی ہے

شام کو جا کے در زنداں پر
روز میں دیکھتی ہوں یہ منظر
لوٹ کے جائیں پرندے جب گھر
دل میرا روتا ہے بس یہ کہہ کر
جانے کب میں جاؤں گی گھر
کب رہائی کی خبر آتی ہے
میرے بابا میں کروں کیا
خاک پر نیند نہیں آتی ہے

ہائے وہ شامِ غریباں بابا
بھول سکتی ہی نہیں یہ دکھیہ
آگ خیموں میں لگی جب بابا
جل گیا آگ سے دامن میرا
کہہ رہی تھی میں یہ خود سے
تو یتیمی کی سزا پاتی ہے
میرے بابا میں کروں کیا
خاک پر نیند نہیں آتی ہے

نیل دیکھو میرے رخساروں کے
یہ تماچوں کے نشاں ہیں گہرے
میں جو روتی ہوں تمہارے غم میں
مارتا ہے مجھے ظالم آکے
جسم قیدی روح قیدی
یہ اسیری مجھے تڑپاتی ہے
میرے بابا میں کروں کیا
خاک پر نیند نہیں آتی ہے

جان دے دوں گی یہی رو رو کر
موت جینے سے یہاں ہے بہتر
آپ تلقین پڑھانا میری
ایک احسان یہ کرنا مجھ پر
چین سے میں مر سکوں گی
ایک یہی آس نظر آتی ہے
میرے بابا میں کروں کیا
خاک پر نیند نہیں آتی ہے

بین جو مظہرؔ و میثم نے پڑھے
تھے یہی بالی سکینہ نے کہے
ساتھ گر آپ ہمارے ہوتے
ہے یقیں تھام کے دل رو دیتے
کیا جہاں میں کوئی اُمّت
یوں یتیموں پہ ستم ڈھاتی ہے
میرے بابا میں کروں کیا
خاک پر نیند نہیں آتی ہے

Mere Baba Lyrics - Mesum Abbas