Mesum Abbas
Azlan Azmi
Matam Karo Hussain Alaihis Salam Ka
Ik Din Mein Ghar Ujar Gaya Logon Imam Ka
Matam Karo Hussain Alaihis Salam Ka
Sukha Hua Tha Syed E Mazloom Ka Gala
Pani Nahi Mila, Pani Nahi Mila
Gardan Pe Sheh Ke Shimr Ne Khanjar Chala Dia
Roti Thi Syeda, Roti Thi Syeda
Kya Haal Kar Dia Gaya Aali Maqaam Ka
Matam Karo Hussain Alaihis Salam Ka
Ik Din Mein Dil Pe Zakhm 72 Ke Khaye Hai
Khoon Mein Nahaye Hain, Khoon Mein Nahaye Hain
Hur John Aur Habib Ke Laashe Uthaye Hain
Aansu Bahaye Hain, Aansu Bahaye Hain
Khaimon Talak Janaza Jo Laya Ghulam Ka
Matam Karo Hussain Alaihis Salam Ka
Seene Se Apne Bete Ke Naiza Juda Kiya
Haye Wa Musibata, Haye Wa Musibata
Zehra Ka Laal Dasht Mein Be Noor Ho Gya
Haye Wa Musibata, Haye Wa Musibata
Us Be Watan Ka Haaye Shah E Tashnakaam Ka
Matam Karo Hussain Alaihis Salam Ka
Zainab Ke Dil Pe Kaisi Qayamat Guzar Gayi
Duniya Ujar Gai, Duniya Ujar Gai
Maqtal Mein Sheh Ki Laash Ki Be Hurmati Huwi
Wo Dekhti Rahi, Wo Dekhti Rahi
Pamaal Laasha Ho Gaya Shah E Anaam Ka
Matam Karo Hussain Alaihis Salam Ka
Maula Ke Khandaan Pe Barhti Gayi Jafa
Chheeni Gayi Rida, Chheeni Gayi Rida
Chalta Tha Garm Ret Pe Kanton Pe Qafla
Bazaar Aa Gaya, Bazaar Aa Gaya
Naize Pe Dekhta Raha Manzar Jo Shaam Ka
Matam Karo Hussain Alaihis Salam Ka
Pyason Ko Yaad Kar Ke Sabilain Lagao Tum
Pani Pilao Tum, Pani Pilao Tum
Kaala Libas Pehnon Alam Bhi Sajao Tum
Yun Ghum Manao Tum, Yun Ghum Manao Tum
Farsh E Aza Bichhao Shahidon Ke Naam Ka
Matam Karo Hussain Alaihis Salam Ka
Ik Pal Na Bhool Payege Ghurbat Hussein Ki
Jab Tak Hai Zindagi, Jab Tak Hai Zindagi
Yun Hi Karenge Mesum O Azlan Azmi
Maula Ki Naukri, Maula Ki Naukri
Zehra Se Ajr Humko Milega Kalam Ka
Matam Karo Hussain Alaihis Salam Ka
