Mesum Abbas
Mazhar Abidi
Ay Rone Walo Suno Kaisi Pur Dard Yeh Riwayat Hai
2 Muharram Ko Sar E Karbobala
Karwan E Shah E Mazloom Ruka
Ek Qabeela Bani Asad Nami
Un Se Mola Ne Yun Khitab Kiya
Main Ne Yeh Karbala Khareedi Hai
Kal Yahan Par Lute Ga Ghar Mera
Be Kafan Lashe Sab Parhe Hon Gy
Qabr Koi Nahi Bane Ga
Ay Bani Asad Walo
Jab Koi Na Aye Tum Zaroor Ana
In Musafiron Ki Qabr Tum Banana
Ay Bani Asad Walo
Bad Mardon Ke Kaha Auraton Se Mola Ne
Ittefaqan Jo Tumhara Guzar Ho Maqtal Se
Jab Mere Aqraba Ke Lashe Tumhen Aye Nazar
Us Gharhi Meri Wasiyat Ko Yad Karte Huye
Be Kafan Ho Lashe Tum Rida Orhana
In Musafiron Ki Qabr Tum Banana
Ay Bani Asad Walo
Phir Shah E Karbobala Ne Kaha Yeh Bachon Se
Iltija Yeh Hai Keh Ashoor Jab Guzar Jaye
Khelte Waqt Bahane Se Tum Idhar Ana
Apne Haton Mein Bayabaan Ki Khak Uthaye Huye
Sari Maiyaton Ko Khak Mein Chupana
In Musafiron Ki Qabr Tum Banana
Ay Bani Asad Walo
Al Qissa Ke Ashoor Ka Sooraj Nikal Aya
Ary Bey Yaro Madadgar Tha Zehra Ka Gharana
Ansar Hon Bhai Hon Pisar Hon Keh Bhateeja
Har Aik Ka Lasha Mere Mola Ne Uthaya
Rote Thy Haram Be Kas O Mazloom Hirasan
Karbal Ki Zameen Ban Gai Sab Ganj E Shaheedan
Phir Giarah Muharram Ko Haram Ban Gaye Qaidi
Thiin Betian Zehra Ki Rida Sar Pa Nahi Thi
Sajjad Ko Pehnai Gai Hathkarhi Bairhi
Panjon Pe Safar Karti Thi Shabbir Ki Pyari
Maqtal Ka Bhi Ahwaal Suno Momino Ro Kar
Ab Terah Muharram Ka Bayan Karta Hun Manzar
Bas Yeh Sun Kar Asadi Peer O Jawan Ghar Se Chale
Bailche Apne Sambhale Huye Maqtal Pahunche
Thy Pareshan Keh Ab Raah Dikhaye Ga Kon
Kon Sa Lasha Hai Kis Ka Yeh Bataye Ga Kon
Ya Bayak Dasht E Bayabaan Mein Utha Gard O Ghubaar
Sab Ne Dekha Keh Koi Ata Hai Ghorhe Pe Sawar
Go Keh Us Waqt Safar Mein Thy Mayal E Faryad
Aaye Aajz E Imamat Se Dasht Mein Sajjad
Ro Ky Phir Kehne Lage Dard Ke Sataya Hun
Apny Pyaron Ko Yahan Dafn Karne Aaya Hun
Waada Jo Kiya Tha Waada Woh Nibhao
Main Batata Jaun Qabr Tum Banao
Ay Bani Asad Walo
Phir Mery Mola Ny Ro Kar Bani Asad Sy Kaha
Qabr Tum Khodny Ki Zehmaten Nahi Karna
Jaise Main Aya Hun Kal Aye Thy Mere Nana
Qabren Mazloomon Ki Sab Khodi Ja Chuki Wallah
Dekho Maiyaton Ko Sath Mein Le Aao
Main Batata Jaun Qabr Tum Banao
Ay Bani Asad Walo
Tham Ke Qalb O Jigar Janib E Nashaib Chale
Bap Ki Lash E Bureeda Pe Buka Karne Lage
Lash E Pamal Ke Ahza To Sabhi Bikhre Thy
Mola Sajjad Ny Logon Sy Kaha Rote Huye
Main Samaitun Ahza Tum Chatai Lao
Main Batata Jaun Qabr Tum Banao
Ay Bani Asad Walo
Sar Kahan Bazoo Kahan Aur Kahan Hai Seena
Bayn Karte Huye Phir Lash Ko Tarteeb Diya
Jis Gharhi Seena E Shabbir Pe Sar Apna Rakha
Aai Be Sakhta Sajjad Ke Honton Pe Buka
Baba Baba Wa Museebata Wa Abata
Bap Ke Seene Pe Be Sheer Ka Bhi Lasha Hai
Phir Mera Mola Ye Un Logon Ko Samjhata Hai
Do Qadam Peechy Hato Waqt E Qareen Ata Hai
Kiun Keh Masoom Ko Masoom Hi Dafnata Hai
Meri Be Kasi Pe Ashk Tum Bahao
Main Batata Jaun Qabr Tum Banao
Ay Bani Asad Walo
Al Gharaz Mola Mera Ganj E Shaheedan Pahuncha
Qasim O Aon O Muhammad Ko Wahin Dafn Kiya
Kar Ke Phir Joan O Habib Ibne Mazahir Pe Buka
Dafn Akbar Ko Kiya Karty Huye Wawaila
Aik Ek Lasha Mera Mola Utha Kar Laya
Qabr Jis Ki Thi Jahan Us Ko Wahin Dafnaya
Ab Lab E Nehr Gaye Lasha Chacha Ka Paya
Lash Ke Tukrhe Jama Kar Ke Yehi Farmaya
Aap Ke Bad Chacha Aisi Tabahi Aai
Qatl Baba Huye Akbar Ne Sinan Bhi Khai
Chadaren Chin Gaiin Jab Sham E Ghareeban Aai
Aur Phir Sham Ke Balwe Mein Thi Zehra Jai
Khatm Hai Mazhar O Mesum Ka Yahin Par Noha
Keh Chuky Lash E Alamdar Se Jab Haal Apna
Asadi Logon Ky Hamraah Uthaya Lasha
Haye Abbas E Alamdar Ko Phir Dafnaya
Aaj Bhi Roza E Shabbir Pe Wo Aty Hain
Asadi Log Usi Rasm Ko Dohraty Hain
