Mesum Abbas
Azlan Azmi
Yeh Gham Woh Gham Hai Keh Dono Jahan Rote Hain
Yateem Aaj Imam e Zaman Hote Hain
Haye Hasan Askari Mola
Aye Bin e Zahra Askari Mola
Shah e Samarra Askari Mola
Aye Bin e Zahra Askari Mola
Haye Qayamat Ki Ghari Aa Gayi Kaisi
Saye Se Mehroom Tere Ho Gaye Mehdi
Ho Ke Juda Rota Raha Aap Ka Beta
Aye Mere Baba Askari Mola
Aye Bin e Zahra Askari Mola
Kaisa Aseeri Ka Sitam Tum Pe Howa Hai
Tere Liye Ghar Tera Zindan Bana Hai
Maula Tera Ghar Mein Howa Dafan Janaza
Haye Ghurbata Askari Mola
Aye Bin e Zahra Askari Mola
Samarra Har Saal Chaley Aate Hain Zawwar
Aap Ka Taboot Uthatay Hain Azadar
Farsh e Azza Bichta Raha Bichta Rahe Ga
Lijiye Pursa Askari Mola
Aye Bin e Zahra Askari Mola
Sare Azadaron Ke Lab Par Yeh Dua Hai
Wasta Tujh Ko Tere Betay Ka Diya Hai
Dil Mein Basa Roza Tera Mehdi Ke Baba
Hum Ko Bolana Askari Mola
Aye Bin e Zahra Askari Mola
Qaidi o Mazloom Mere Gayarwin Sarkar
Dene Ko Pursa Tumhein Aaye Hain Azadar
Pursa Qabool Ho Aye Mere Syed o Sardar
Hum Loag Teri Nazar e Karam Ke Hain Talabgar
Gham Yeh Tera Dil Mein Sada Zindah Rahe Ga
Roti Hai Dunya Askari Mola
Aye Bin e Zahra Askari Mola
Jab Bhi Tere Naam Ki Hoti Hai Yeh Majlis
Sath Mein Zahra Ke Chali Aati Hai Narjis
Dekh Zara Mehway Boka Hain Teri Zojah
Karti Hain Noha Askari Mola
Aye Bin e Zahra Askari Mola
Pardah e Ghaibat Mein Jo Beta Hai Tumhara
Bhejein Ossay Jald Pareshan Hai Dunya
Sun Lo Dua Behar e Khuda Waris e Kaba
Hai Yeh Iltija Askari Mola
Aye Bin e Zahra Askari Mola
Mesum o Azlan Pe Bas Itna Karam Ho
Naam Tere Chahney Walon Mein Raqam Ho
Kar Do Atta Hum Ko Sila Nohay Ka Mola
Khuwab Ho Pora Askari Mola
Aye Bin e Zahra Askari Mola











