Abbas Ka Lasha

Pucha Kyun Lehad Chhoti He Zaynab Ne Jo Ro Ke
Sajjad Yeh Bole, Haye Sajjad Yeh Bole
Amma Mujhe Maidaan Se Itna Hi Mila Tha
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Sheh Bolay Ke Ghayyur Tha Woh Mera Biradar
Dekho Ali Akbar, Dekho Ali Akbar
Jis Jah Hai Giri Mashk Waheen Par Hi Milega
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Bhai Ke Kate Haathon Ko Maqtal Me Uthaa Kar
Seene Se Laga Kar, Seene Se Laga Kar
Rote Huwe Khud Dhuund Rahe Hein Shahewala
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Jis Waqt Chala Gardan E Shabbir Pe Khanjar
Har Zarbe Laen Pr, Har Zarbe Laen Pr
Saahil Pe Tarapta Raha Sarwar Se Ziyada
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Jin Haathon Se Bachpan Me Usse Jhula Jhulaya
Gowdi Me Uthaya, Haye Gowdi Me Uthaya
Un Hathon Se Ab Kayse Uthayein Mere Maula
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Akbar Bhi Yahan He Wahan Zainab He Akeli
Aajayen Na Shami, Aajayen Na Shami
Kyun Aap Uthaa Ne Ke Liye Aa Gaye Aaqa
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha

Sajjad Gharibi Pe Tarapne Lage Maula
Jis Waqt Ye Dekha, Jis Waqt Ye Dekha
Gowdi Me Uthaaye Huwe Pehle Se Thi Zahra
Abbas Ka Lasha, Abbas Ka Lasha
Khaimon Me Nahi Aa Saka Abbas Ka Lasha