Sakhi Abbas Alamdar

Sakhi Abbas Alamdar Lyrics

Ab Tak Hai Zabano Pe Alamdar Alamdar
Abbas Alamdar Abbas Alamdar

Kis Shan Se Baba Ka Alam Tune Uthaya
Abbas Alamdar Abbas Alamdar
Ay Shair e Jawa Ay Pisar e Haider e Karrar
Abbas Alamdar Abbas Alamdar

Sakhi Abbas Alamdar
Jarri Abbas Alamdar

Tu Shair e Jali Ibn e Ali Ibn e Wali Hai
Kehti Hai Tujhey Karbobala Haider e Karrar
Sakhi Abbas Alamdar Jarri Abbas Alamdar

Tu Fatima Zahra Ki Duaon Ka Sila Hai
Khud Haider e Karrar Ne Manga Tu Mila Hai
Tu Bhi Hai Ali Teri Ragoon Mein Bhi Wila Hai
Tu Shah e Wafa Ishq e Manam Jan e Azadar
Aala Hai Zabardast Hai Sardaron Ka Sardar
Sakhi Abbas Alamdar Jarri Abbas Alamdar

Rutba Yeh Bhala Kis Ko Mila Dono Jahan Mein
Woh Tu Hai Keh Shabeer Bhi Hain Jis Ki Amma Mein
Shamil Hai Teri Marzi Bhi ALLAH Ki Haan Mein
Dharas Hai Ali Walon Ko Tujh Se Aye Wafadar
Bazu Bhi Nahi Phir Bhi Hai Tu Sab Ka Madadgar
Sakhi Abbas Alamdar Jarri Abbas Alamdar

Tu Jafar e Tayyar Ki Jurat Ka Libada
Tikta Hai Tere Samne Kab Koi Zyada
Tu Taig Chalaney Ka Agar Kar Le Iradah
Phir Maut Ke Chungal Se Nikalta Nahi Farrar
Buraq Ke Jaisi Hai Tere Ghorey Ki Raftar
Sakhi Abbas Alamdar Jarri Abbas Alamdar

Siffeen Mein Tu Aisay Lara Shair e Dilawar
Ik Bar Kiya Waar Tu Dekha Nahi Mur Kar
Dhar Chor Ke Maidan Mein Kat Kat Ke Girey Sar
Sab Kehne Lagay Aa Gaye Kya Haider e Karrar
Baba Ki Tarha Tu Bhi Chalata Raha Talwar
Sakhi Abbas Alamdar Jarri Abbas Alamdar

Yeh Bazu Salamat Hain Tu Bas Tere Karam Se
Dushman Tera Jalta Hai Tu Jalta Rahe Hum Se
Hum Door Nahi Hoon Gay Kabhi Tere Alam Se
Jo Bugz Rakhay Tujh Se Woh Lanat Ka Hai Haqdar
Iblees Hai Jo Teri Wafa Ka Karey Inkar
Sakhi Abbas Alamdar Jarri Abbas Alamdar

Woh Kabay Ki Chat Our Jalali Tera Khutba
Kabay Ne Liya Pehle Tere Qadmo Ka Bosa
Phir Kaba Hussain Ibn e Ali Se Yeh Pukara
Hai Ghaiz Mein Abbas Ko Rokein Mere Sarkar
Yeh Itna Jalali Hai Keh Gir Jaye Gi Dewar
Sakhi Abbas Alamdar Jarri Abbas Alamdar

Bas Gham Hai Yehi Aaj Dil e Ahl e Azza Mein
Afsoos Ijazat Na Mili Karbobala Mein
Be Dast Howa Mara Gaya Dasht e Jafa Mein
Yeh Kehte Hoye Jashan Manatay Hain Sitamgar
Haan Mara Gaya Lashkar e Shabeer Ka Salar

Woh Sham e Ghareebaan Woh Haram Our Udasi
Pani Na Mila Bali Sakina Rahi Pyasi
Be Pardah Hoi Haye Muhammad Ki Nawasi
Tu Qatal Howa Khaimay Jalay Lut Gaya Ghar Bar
Zainab Ki Sada Aati Rahi Khaimay Se Har Bar

Zeeshan Hai Tu Jaun Tere Dar Ka Hai Nokar
Bas Dil Mein Yeh Arman Hai Aye Sani e Haider
Seene Se Laga Hum Ko Bhi Rozay Pe Bola Kar
Ho Jaye Karam Karbobala Dekh Lein Ik Bar
Kehte Hain Azakhana Saja Kar Yeh Azadar
Sakhi Abbas Alamdar Jarri Abbas Alamdar