Irfan Haider
Akhtar Abbas Zaidi
Sakina Ki Sada Gonji Ammay Janam Ammay Jan
Maine Rukhsaron Pe Zalim Se Tamanche Khaye
Aag Daman Mein Lagi Chin Gaye Durr Bhi Haye
Ap Ko Meri Qasam Hai Ye Batayen Mujh Ko
Aise Hota Hai Yatemon Se Sulook Haye
Ammay Baba Yam Kujaast
Dukhtar E Shah E Shaheedan Ne Tarhap Kar Ye Kaha
Shiddat E Gham Se Na Mar Jaun Sar E Dasht E Bala
Har Taraf Lashe Hi Lashe Hain Kahan Jaun Bhala
Wawaila Zainab Zainab Wawaila
Mere Baba Hain Jahan Mujh Ko Bhi Le Jao Wahan
Ammay Baba Yam Kujaast
Woh Jo Soi Na Kabhi Baba Ke Seene Ke Siwa
Us Ko Ek Khak Ke Bistar Pe Bhi Sone Na Diya
Wawaila Zainab Zainab Wawaila
Tazionon Se Jagate Hain Sitamgar Yahan
Ammay Baba Yam Kujaast
Haye Baba Ne Barhe Nazon Se Pala Hai Mujhe
Aur Yahan Shimr Ne Durron Se Bhi Mara Hai Mujhe
Wawaila Zainab Zainab Wawaila
Apne Baba Ko Dikhaun Gi Ye Zakhmon Ke Nishan
Ammay Baba Yam Kujaast
Mujh Se Kiun Rooth Gaye Baba Thi Kya Meri Khata
Kash Ho Jati Main Asghar Ki Tarha Un Pe Fida
Wawaila Zainab Zainab Wawaila
Ro Diye Ahl E Haram Sun Ke Yeh Bachi Ka Bayaan
Ammay Baba Yam Kujaast
Aai Jab Giarah Muharram Ki Sahar Wa Ghurbata
Qafila Aal E Muhammad Ka Sooye Shaam Chala
Wawaila Zainab Zainab Wawaila
Aik Shehzadi Thi Ro Ro Ky Jo Karti Thi Fughan
Ammay Baba Yam Kujaast
Aably Paon Mein Thy Aur Galy Mein Thi Rasan
Kitni Lachar Thi Pardais Mein Akbar Ki Bahan
Wawaila Zainab Zainab Wawaila
Qaid Khane Mein Bhi Rehti Thi Yun Hi Noha Kunaan
Ammay Baba Yam Kujaast
Haye Sajjad Ne Ay Akhtar O Irfan E Aza
Apni Hamsheer Ko Dafnate Huye Di Yeh Sada
Wawaila Zainab Zainab Wawaila
Khoon Kaanon Sy Sakina Ky Abhi Tak Hai Rawaan
Ammay Baba Yam Kujaast
