Abbas Ek Bar Mujhe Bhi Maa Keh De

Ay Laal Mere Maan Hone Ka
Har Farz Nibhaya Hai Maine
Shabbir Ke Hathon Se Tujh Ko
Jhoola Bhi Jhulaya Hai Maine
Ehsan Tera Ho Ga Mujh Pe
Abbas Ek Bar Mujhe Bhi Maa Keh De Abbas

Zakhmi Thi Bahut Phir Bhi Tujh Se
Is Maan Ko Muhabbat Thi Itni
Ek Hath Tha Mera Pehlo Par
Ek Hath Se Kurta Seeti Thi
Sab Zakhm Mery Bhar Jayen Gy
Abbas Ek Bar Mujhe Bhi Maa Keh De Abbas

Jis Waqt Gira Tu Ghorhy Se
Main Dekh Rahi Thi Woh Manzar
Aghosh Mein Tujh Ko Rote Huye
Maine Hi Sambhala Tha Barh Kar
Kab Door Hui Hun Main Tujh Se
Abbas Ek Bar Mujhe Bhi Maa Keh De Abbas

Bachon Ke Liye Jab Dariya Se
Mashkeeza Bhara Pani Na Piya
Seh Roz Ka Pyasa Ho Kar Bhi
Kya Khoob Nibhai Tu Ne Wafa
Ay Tishna Dahan Mere Pyase
Abbas Ek Bar Mujhe Bhi Maa Keh De Abbas

Teri Ankh Se Teer Nikalun Main
Tu Dekh Le Bhai Ka Chehra
Yeh Waqt E Judai Hai Dill Mein
Hasrat Na Rahe Koi Beta
Aa Khoon Hata Dun Ankhon Se
Abbas Ek Bar Mujhe Bhi Maa Keh De Abbas

Khaime Mein Sakina Pyasi Hai
Yeh Bat Tujhy Tarhpati Hai
Is Haal Mein Bhi Tujh Ko Haye
Zainab Ki Rida Yad Ati Hai
Aa Tujh Ko Laga Lun Seene Se
Abbas Ek Bar Mujhe Bhi Maa Keh De Abbas

Zeeshan Sunaya Ro Ro Kar
Irfan E Aza Ne Yeh Noha
Dariya Ke Kanare Ghazi Ne
Maan Kehte Huye Dam Torh Diya
Zehra Ne Kaha Jab Ro Ro Ke
Abbas Ek Bar Mujhe Bhi Maa Keh De Abbas