Farhan Ali Waris
Mir Sajjad Mir
Ay Rone Walo Hai Ye Gharhi Shor E Shain Ki
Tadfeen Ho Rahi Hai Imam E Hussain Ki
Koofe Se Aye Pehne Jo Sajjad Bairhian
Lashe Hussain Dekh Ke Aanso Huye Rawan
Hathon Ko Jorh Kar Kiya Beemar Ne Bayaan
Baba Tumhari Lash Ko Dhundun Kahan Kahan
Kaise Kafan Dun Laash Ko Ghurbat Naseeb Hun
Baba Main Aaj Tum Se Zyada Ghareeb Hun
Ro Kar Bani Asad Ke Qabeele Ko Di Sada
Lashe Hussain Mil Ke Ikatha Karo Zara
Utre Lahad Mein Shah Ki Beemar E Karbala
Bole Parhun Main Kis Tarah Talqeen Ya Khuda
Rukh Kaise Sooye Kaaba Ho Zehra Ke Chain Ka
Sar Hi Nahi Raha Mery Baba Hussain Ka
Jitny Bhi Tukre Mil Sake Sab Chun Liye Gaye
Ahista Se Lahad Mein Woh Beemar Ne Rakhe
Seeny Pe Hath Rakha Jo Bete Ne Baap Ke
Halat Pe Baba Jaan Ki Sajjad Ro Parhe
Bole Keh Yad Ati Hai Is Waqt Dadi Jaan
Torhi Hain Is Tarha Mere Baba Ki Paslian
Looti Hai Aise Laash Ghareeb Ud Dayaar Ki
Ghorhon Se Pehle Laash Ki Pamali Ki Gai
Phir Kurta Aur Amama Abaa Le Gya Koi
Yehi Nahi Keh Sirf Angoothi Nahi Mili
Be Ehtrami Ki Hai Yun Zehra Ke Chain Ki
Ungli Laeen Ne Kaati Hai Baba Hussain Ki
Teeron Se Sara Jism Hai Haye Bhara Hua
Pehloo Pe Baba Jaan Ke Hai Naiza Garha Hua
Terah Jaghon Se In Ka Gala Hai Kata Hua
Hai Tan Yahan Pe Sar Wahan Khoon Se Bhara Hua
Sar Dekh Kar Yaqeen Hai Mere Khandaan Ko
Mara Hai Patharon Se Mere Baba Jaan Ko
Barh Kar Bani Asad Ne Yeh Ek Baat Pooch Li
Mola Muaaf Kijiye Gar Ho Khata Koi
Choti Si Kya Yeh Seeny Pe Shae Hai Rakhi Koi
Abid Ki Baat Sun Ke Har Ek Maan Tarhap Gai
Bole Yeh Dekh Dekh Ke Dil Pash Pash Hai
Seene Pe Baba Jaan Ke Asghar Ki Laash Hai
Poocha Kisi Ne Mola Barabar Mein Kon Hai
Shabbir Is Ke Seeny Pe Kiun Hath Hain Rakhe
Lagta Hai In Ko Pyar Tha Is Nojawan Se
Akbar Ka Naam Lete Hi Sajjad Ro Parhe
Bole Keh Hath Seene Pe Yun Hai Rakha Hua
Hai Bete Ke Kalaije Mein Naiza Laga Hua
Aai Sada Yeh Fatima Zehra Ki Qabr Se
Sajjad Laot Aao Keh Baba Ko Ro Chuke
Koofe Mein Yad Karti Hai Beti Meri Tujhe
Tum To Yahan Ho Wo Bhala Awaz Kis Ko De
Zainab Ke Dill Ko Aur Bhi Zaalim Rulata Hai
Shimr E Laeen Behan Ko Tamanchae Lagata Hai
Sajjad Karbala Ke Woh Manzar Ajeeb The
Farhan Aa Rahi Thi Yeh Awaz Qabr Se
Milwa Do Beta Phir Zara Abbas Se Mujhe
Bolo Keh Akhri Yeh Meri Baat Maan Le
Abid Pukary Ay Dill E Ehsan Aaiye
Matti Lahad Pe Dalne Abbas Aaiye
Matti Lahad Pe Dalne Abbas Aaiye
