Sakina Jan

Sakina Jan Lyrics

Sakina Jan Baba Qurban

Qafila Lut Gaya Barsare Karbala
Mujh Ko Mara Gaya Tujh Ko Pyasa Rakha
Naize Pe Ham Chale Tu Chali Khak Pe
Paon Tere Jale Ham Tarhapte Rahe

Sakina Meri Bachi Ay Baba Ki Jaan
Tujh Se Beti Juda Main Hua Tha Kahan
Tu Thi Jahan Main Tha Wahan
Meri Bachi Baba Qurban
Meri Bachi Baba Qurban
Meri Bachi Baba Qurban
Rona Na Yun Main Sath Hun

Shah E Mazloom Kehte Thy Sakina Se Ay Bibi
Hamari Aur Tumhari Dastan Hai Aik Jaisi
Jan Sakina Jan Sakina Jan Sakina Jan Baba Qurban

Teri Meri Museebat Hai Sakina Aik Hi Jaisi
Churi Gardan Pe Mere Thi Teri Gardan Pe Hai Rassi
Main Naize Par Chala Hun Aur Tu Kaanton Pe Ay Bibi
Mere Sar Se Lahoo Jari Tere Kaanon Se Khoon Jari
Tamanche Tere Chehre Par Lagaye Ja Rahe Hain
Yahan Naize Pe Ham Pathar Hi Khaye Ja Rahe Hain
Jan Sakina Jan Sakina Jan Sakina Jan Baba Qurban

Laeen Ne Khainch Kar Cheeni Jo Tujh Se Baalian Teri
Hua Kaanon Se Khoon Jaari Sada Ammun Ko Tu Ne Di
Teri Ghurbat Mere Jaisi Meri Halat Tere Jaisi
Angoothi K Liye Kaati Sitam Gar Ne Meri Ungli
Yahan Beti Tujhe Naakon Se Girwaya Gaya Hai
Mere Lashe Pe Wahan Ghorhon Ko Dorhaya Gaya Hai
Jan Sakina Jan Sakina Jan Sakina Jan Baba Qurban

Tu Chadar Ko Tarasti Thi Kafan Ko Main Tarasta Tha
Teri Chadar Bani Matti Bani Matti Kafan Mera
Sinaan Se Tere Naakon Ka Barha Tha Faasla Dukhiya
Tu Baba Ko Bulati Thi Bulate The Tujhe Baba
Aziyat Ka Safar Tha Dasht Se Koofe Ke Dar Tak
Tarhapte Baap Beti Aa Gaye Shereen Ke Ghar Tak
Jan Sakina Jan Sakina Jan Sakina Jan Baba Qurban

Sitam Tujh Par Bhi Dhate Hain Sitam Mujh Par Bhi Dhate Hain
Yateema Tujh Ko Kehte Hain Mujhe Baaghi Bulate Hain
Sinaan Ke Pas Se Zaalim Jo Naake Le Ke Jate Hain
Tujhe Bhi Aazmate Hain Mujh Bhi Aazmate Hain
Bahut Nazdeek Ho Kar Bhi Ajab Si Doorian Hain
Barhi Majboorian Hain Ye Barhi Majboorian Hain
Jan Sakina Jan Sakina Jan Sakina Jan Baba Qurban

Tamanche Tu Ne Khaye Hain Hain Pathar Khaye Maine Bhi
Tere Rukhsar Hain Neele Mera Chehra Hua Zakhmi
Kai Din Ka Hun Main Pyasa Kai Din Ki Hai Tu Pyasi
Gala Hai Khushk Tera Bhi Ragen Meri Bhi Hain Sookhi
Hamare Dard Ko Samjhe Koi Ay Kash Bibi
Main Lasha Ho Ke Zinda Hun Tu Zinda Lash Bibi
Jan Sakina Jan Sakina Jan Sakina Jan Baba Qurban

Aseer E Zulm Hai Tu Bhi Aseer E Zulm Hun Main Bhi
Main Hun Tanha Sar E Maqtal Tu Hai Zindaan Mein Qaidi
Yahan Zindaan Ki Garmi Wahan Maidan Ki Garmi
Yahan Soi Nahi Tu Bhi Wahan Soya Nahi Main Bhi
Kabhi Tu Chain Se Seene Pe So Jati Thi Mere
Mera Sar Aaj Hai Ay Ladli Seene Pe Tere
Jan Sakina Jan Sakina Jan Sakina Jan Baba Qurban

Gaye Farhan Aur Mazhar Yeh Manzar Shaam Mein Dekha
Kahan Beti Ki Turbat Hai Kahan Baba Ka Hai Roza
Har Ik Zaayer Laraz Jaye Agar Yeh Soch Le Jumla
Keh Shaam O Karbala Ke Darmian Hai Faasla Kitna
Sakina Aur Baba Mein Judai Aaj Bhi Hai
Lab E Shabbir Pe Logo Duhaai Aaj Bhi Hai
Jan Sakina Jan Sakina Jan Sakina Jan Baba Qurban
Sakina Jan Baba Qurban