Farhan Ali Waris
Mazhar Abidi
Baba Baba Baba
Main Akeli Andhera O Dasht E Bala
Jal Gaye Khaime Kurta Mera Jal Gaya
Phir Meri Samt Ko Aik Zalim Barha
Main Larazne Lagi Dill Dharhakne Laga
Us Ne Kanon Se Nochiin Meri Balian
Kaan Se Khoon Se Kurta Mera Tarr Hua
Us Ne Munh Pe Tamancha Lagaya Mere
Main Sambhal Na Saki Gir Gai Khak Pe
Phir Main Chillai Ro Ke Chacha Abbas
Shimr Mujhe Maar Raha Hai
Meri Madad Ko Koi Na Aaya
Baba Main Roti Reh Gayi
Baba Jan Kya Main Kahun Kya Na Khun Ranj O Alam
Sham E Gham Haal E Safar Sham Ke Zindan Ke Sitam
Apne Gham Tum Bhi Sunao
Apne Gham Main Bhi Sunaun
Baba Jan Shimr Ne Jab Mare Tamanche Munh Par
Balian Khainchi Meri Kurta Hua Khoon Mein Tarr
Baba Jan Dekho Zara Neele Hain Rukhsar Mere
Kya Yateemon Pe Sitam Karta Hai Yun Koi Bashar
Shimr Ko Dekh Ke Main Khaof Se Tharrati Hun
Bhaiya Sajjad Ke Peeche Hi Main Chup Jati Hun
Apne Gham Tum Bhi Sunao
Apne Gham Main Bhi Sunaun
Baba Jan Bazoo Bandhe Sab Ke Bandha Mera Gala
Jab Rasan Khichti Thi Dam Ghut’ta Tha Har Gaam Mera
Baba Jan Main Ne Kiya Panon Pe Chal Kar Wo Safar
Dard Hota Tha To Chillati Thi Baba Baba
Ghash Main Khati To Zameen Par Nahi Gir Pati Thi
Rassi Is Tarha Se Gardan Mein Phansi Jati Thi
Apne Gham Tum Bhi Sunao
Apne Gham Main Bhi Sunaun
Baba Jan Dekhna Kya Sun Bhi Na Pao Ge Bayan
Mere Rukhsar Pe Zalim Ki Angoothi Ke Nishan
Baba Jan Tum Bhi Mujhe Ab Nahi Pehchano Ge
Khak Baalon Mein Lahoo Kanon Se Ab Tak Hai Rawan
Sabr Har Gham Pe Magar Kaise Kiya Mujh Se Suno
Terah So Meel Safar Kaise Kiya Mujh Se Suno
Apne Gham Tum Bhi Sunao
Apne Gham Main Bhi Sunaun
Baba Jan Tum Ko Nahi Kya Mere Zakhmon Ki Khabar
Ab Mujhe Log Bulaty Hain Yatema Keh Kar
Baba Jan Aj Talak Main Ye Samajh Pai Nahi
Baap Ka Jana Yatemi Ya Aseri Hai Padar
Log Mujh Se Yehi Kehte Hain Keh Tu Mang Dua
Ab Kisi Ko Bhi Yateemi Na Mile Teri Tarah
Apne Gham Tum Bhi Sunao
Apne Gham Main Bhi Sunaun
Baba Jan Ap Ka Sar Jab Mujhe Zindan Mein Mila
Khud Ko Na Rok Saki Zabt Mera Toot Gaya
Baba Jan Door Hui Ab Mere Sadmon Ki Thakan
Aa Gaye Bas Ab Chain Se Aaye Gi Qaza
Bas Yahin Khatm Hui Mazhar O Farhan Buka
Le Chalo Sath Mujhe Bali Sakina Ne Kaha
Apne Gham Tum Bhi Sunao
Apne Gham Main Bhi Sunaun
