Abbas Ya Mola

Aal E Payambar Ke Zamin Ho Tum
Zainab Ki Chadar Ke Zamin Ho Tum
Ary Tum Ko Hi Deti Hai Zainab Sada
Abbas Ya Mola Ya Abbas Mola

Apne Paraye Ya Chote Barhe
Faoj E Sitam Gar Se Sab Hi Larhe
Haye Tu Jang Ki Arzu Se Larha
Abbas Ya Mola Ya Abbas Mola

Bhai Se Jab Izn Le Kar Chala
Khaimon Mein Farsh E Aza Bich Gaya
Nad E Ali Parh Ke Sab Ne Kaha
Abbas Ya Maula Ya Abbas Maula

Woh Hath Tu Ne Fida Kar Diye
Jo Mashk Bharne Mein Tar Ho Gaye
Ary Teri Wafaon Ki Hai Inteha
Abbas Ya Mola Ya Abbas Mola

Ik Ankh Mein Teer Paiwast Tha
Us Par Sitam Gurz Sar Par Laga
Be Dast Ghorhe Se Kaise Gira
Abbas Ya Maola Ya Abbas Maola

Gham Tera Mashk E Sakina Mein Tha
Jab Mashk Se Pani Behne Laga
Ary Is Gham Se Tu Jeete Jee Mar Gaya
Abbas Ya Mola Ya Abbas Mola

Maqtal Se Tum Ne Jo Awaz Di
Tooti Kamar Gham Se Shabbir Ki
Ary Ahl E Haram Ne Ye Noha Kiya
Abbas Ya Mola Ya Abbas Mola

Aaqa Jo Aye To Ro Kar Kaha
Sharminda Hai Ye Ghulam Ap Ka
Tazeem Ko Bhi Nahi Uth Saka
Abbas Ya Mola Ya Abbas Mola

Phir Bhai Se Tu Ne Ro Kar Kaha
Khaimon Mein Jaye Na Lasha Mera
Teri Wasiyat Mein Hai Marsiya
Abbas Ya Mola Ya Abbas Mola

Ik Meri Hasrat Hai Poori Karo
Sheh Ne Kaha Mujh Ko Bhai Kaho
Bhai Kaha Or Safar Kar Gaya
Abbas Ya Mola Ya Abbas Mola

Farhan O Mazhar Ne Noha Parha
Sar Jis Jaga Tera Kata Gaya
Hai Us Jaga Aaj Roza Tera
Abbas Ya Mola Ya Abbas Mola