Ek Yateema Aesi Bhi Thi Lyrics - Syed Raza Abbas Zaidi
Let’s Check Out The Ek Yateema Aesi Bhi Thi Lyrics, Recited by Syed Raza Abbas Zaidi. It is a New Noha of the Year 2023. Its Beautiful Lyrics Are Written By Zeeshan Abidi.
Title
Ek Yateema Aesi Bhi Thi
Recited By
Written By
Zeeshan Abidi
Ek Yateema Aesi Bhi Thi Lyrics in English
Rah Mein Naqe Se Jab Gir Gayi Choti Zahra
Gaud Mein Aik Zaeefa Ne Ossay Tham Liya
Sar Pe Jab Hath Rakha Ro Ke Sakina Ne Kaha
Jab Se Baba Se Main Bichari Hoon Bohat Mara Gaya
Mere Galon Pe Tamachon Ke Nishaan Hain Bibi
Tum Ne Dekhi Hai Mare Jaisi Yateema Koi
Baat Jab Yeh Suni Woh Bhi Roney Lagi
Phir Zaeefa Sakina Se Kehne Lagi
Tum Se Pehle Ek Yateema Aesi Bhi Thi
Haan Tumhare Watan Mein Hi Rehti Thi Woh
Badshah e Madina Ki Beti Thi Woh
Baap Ke Baad Itnay Musayab Paray
Apne Ghar Mein Saharey Se Chalti Thi Woh
Gham Uthati Rahi Kham Kamar Ho Gayi
Nojawani Mein Hi Jo Zaeefa Hoi
Tum Se Pehle Ek Yateema Aesi Bhi Thi
Zalimo Ne Youn Baba Ka Pursa Diya
Jalta Darwaza Oss Pe Giraya Gaya
Dar Ke Neechay Thi Woh Dar Hata Na Saki
Hath Bhi Jal Gaye Pehlu Zakhmi Howa
Loag Chal Kar Yahan Se Gaye Jab Wahan
Paon Rakh Rakh Ke Tori Gayi Pasliyaan
Tum Se Pehle Ek Yateema Aesi Bhi Thi
Wo Zaifa Kahani Sunati Rahi
Or Masuma Aansu Bahati Rahi
Gaal Neelay Hain Jaisay Tumhare Abhi
Oss Ke Galon Ki Rangat Bhi Aisi Hi Thi
Samne Oss Ko Beton Ke Mara Gaya
Waqt Yeh Na Kissi Maa Pe Aaye Kabhi
Shah Zadi Suno Kitni Be Bas Thi Woh
Ghar Mein Bachoon Se Chehra Chupati Thi Jo
Tum Se Pehle Ek Yateema Aesi Bhi Thi
Jis Tarha Tere Kano Se Hai Khoon Rawaan
Kan Oss Ke Bhi Zakhmi They Aye Meri Jaan
Itni Shiddat Se Zalim Ne Mara Ossay
Toot Kar Khak Pe Gir Gayin Baliyaan
Beti Bin Baap Ki Dard Seh Na Saki
Hath Kano Pe Rakh Kar Woh Roti Rahi
Tum Se Pehle Ek Yateema Aesi Bhi Thi
Wo Zaifa Kahani Sunati Rahi
Or Masuma Aansu Bahati Rahi
Pani Uth Uth Ke Jis Ko Pilati Thi Woh
Loriyaan De Ke Jis Ko Solati Thi Woh
Hath Chadar Mein Oss Se Chupaney Lagi
Hath Phaila Ke Jis Ko Bulati Thi Woh
Kaisay Kehti Woh Maa Mere Dil Meri Jaan
Taziyano Se Zakhmi Hain Sab Ungliyaan
Tum Se Pehle Ek Yateema Aesi Bhi Thi
Oss Ka Marna Bhi Sab Se Chupaya Gaya
Chodah Logon Mein Ghar Se Janaza Utha
Oss Ki Chalees Qabrein Banai Gayin
Bas Yeh Suntay Hi Bachi Ne Ro Kar Kaha
Aye Zaeefa Suno Meri Dadi Thin Woh
Mujh Ko Jaldi Batao Keh Tum Kaun Ho
Hath Pehlu Se Apne Uthatay Hoye
Zakhmi Chehray Se Pardah Hatatay Hoye
Aye Raza Our Zeeshan Roney Lagin
Yeh Sakina Ko Zahra Batatay Hoye
Mera Wirsa Ho Tum Mera Chehra Ho Tum
Ab Samajh Aaya Kyun Choti Zahra Ho Tum
Found a mistake? Just select the incorrect part and click on the report button to provide the correction. We will replace it.
Support Our Work
Join us on Patreon and help us continue creating great content.
Support Us On Patreon
