Syed Raza Abbas Zaidi
Zeeshan Abidi
Bohat Udas Hoon Our Dil Tadap Raha Hai Mera
Badi Tamana Thi Dekhon Ga Aap Ka Roza
Main Dekhta Raha Sab Ja Rahe The Ae Mola
Kyun Iss Baras Bhi Nahi Ja Saka Main Karb o Bala
Mere Naseeb Mein Kya Karbala Nahi Mola
Ghulam Aap Se Ab Tak Mila Nahi Mola
Mere Naseeb Mein Kya Karbala Nahi Mola
Main Matami Hoon Bola Lein Mujhe Bhi Roze Par
Lahu Bahaya Hai Apne Watan Mein Reh Ke Magar
Haram Mein Aap Ke Pursa Diya Nahi Mola
Main Chal Raha Hoon Jaloson Mein Arbaeen Ke Din
Hai Yeh Bhi Aap Ke Hi Ishq Ka Safar Lekin
Najaf Se Karbala Paidal Chala Nahi Mola
Chupa Rakhi Hai Ziyarat Ki Aarzu Man Mein
Bohat Ghareeb Hoon Kuch Bhi Nahi Hai Daman Mein
Siwa Tumhare Kissi Se Kaha Nahi Mola
Dikha Dein Mojza Ik Bar Karbala Aaon
Ya Main Bhi Sughra Ki Tarha Watan Mein Mar Jaon
Our Intezar Ka Ab Hai Honsla Nahi Mola
Haram Mein Aath Muharram Alam Uthana Hai
Maqam e Akbar o Asghar Mujhe Bhi Jana Hai
Main Khaima Gah Bhi Ab Tak Gaya Nahi Mola
Bola Lo Wasta Ghazi Ke Zakhmi Chehre Ka
Zameen Pe Chehre Ke Bal Zeen Se Jis Tarha Wo Gira
Kata Ke Hath Koi Bhi Gira Nahi Mola
Ye Zaireen Se Main Ne Suna Hai Rote Hoye
Hussain Aap Jahan Teen Roz Pyase Rahe
Wahan Unhein Koi Pyasa Dikha Nahi Mola
Hai Intezar Mein Zeeshan Abidi Kab Se
Habib Se Kahin Ashoor Par Bola Lein Mujhe
Raza Ka Naam Bhi Ab Tak Likha Nahi Mola











