Mere Andar Basi Hai Karbala

Mere Andar Basi Hai Karbala Lyrics

Main Jahan Jaon Mere Andar Basi Hai Karbala

Ban Ke Dharkan Mere Dil Mein Gonjti Hai Karbala
Main Jahan Jaon Mere Andar Basi Hai Karbala

Mere Seene Mein Azal Se Bas Raha Hai Ya Hussain
Ye Jo Dharkan Ki Musalsal Ik Sada Hai Ya Hussain
Har Ghari Aawaz Mujh Ko De Rahi Hai Karbala
Main Jahan Jaon Mere Andar Basi Hai Karbala

Gonjte Hain Ya Hussaina Se Musalsal Baam o Dar
Chodah Sadiyon Se Hai Jari Sheh Ke Matam Ka Safar
Iss Tarha Seena Ba Seena Chal Rahi Hai Karbala
Main Jahan Jaon Mere Andar Basi Hai Karbala

Maa Ne Dikhlaya Hai Rasta Farsh e Majlis Ka Humein
Halqa e Matam Mein Le Kar Aaye Hain Baba Humein
Gaud Se Maa Baap Ki Hum Ko Mili Hai Karbala
Main Jahan Jaon Mere Andar Basi Hai Karbala

Sham o Kufa Ke Safar Mein Beriyaan Thame Rahi
Tauq Ka Bosa Kabhi Zanjeer Ka Bosa Kabhi
Abid e Beemar Se Lipti Hoi Hai Karbala
Main Jahan Jaon Mere Andar Basi Hai Karbala

Taziyane Khaye Gi Himmat Magar Dikhlaye Gi
Sham Tak Mazloom Ka Paigham Le Kar Jaye Gi
Sheh Ki Maiyyat Se Qasam Kha Kar Uthi Hai Karbala
Main Jahan Jaon Mere Andar Basi Hai Karbala

Sabar Wale Taza Dam Hain Zulm Wale Thak Gaye
Khanjron Ne Haar Mani Neze Bhale Thak Gaye
Pichhe Hatne Ki Jagah Aage Barhi Hai Karbala
Main Jahan Jaon Mere Andar Basi Hai Karbala

Hai Kahin Akbar Jawaan Ka Sar Kahin Be Sheer Ka
Sar Buredah Hai Kahin Abbas Ka Shabeer Ka
Nook e Naiza Pe Safar Karti Rahi Hai Karbala
Main Jahan Jaon Mere Andar Basi Hai Karbala

Be Kafan Oss Syed o Sardar Par Lakhon Salam
Aik Din Ho Ga Takallum Oss Ke Khoon Ka Inteqam
Muntazir Ibn e Ali Ki Aaj Bhi Hai Karbala
Main Jahan Jaon Mere Andar Basi Hai Karbala