Matam Meri Hayat Tabarruk Meri Ghiza

Is Matam E Hussain Ke Ghaazi Hain Saebaan
Raushan Alam Se Ho Gaen Tareeq Bastiyan
Ahl E Aza Azal Se Hain Shaah E Wafa Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Phir Khauf E Maut Rehta Hai Unko Bahal Kahan
Jo Zaereen Jaate Hain Behre Mashi Wahan
Dete Hain Rizq Aaj Bhi Maula Sakha Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Mashkeeza Jese Parcham E Ghazi Ke Sath Hai
Kaba Khuda Ka Jese Namazi Ke Sath Hai
Bas Yuhi Zaereen Hain Khaak E Shifa Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Hamko Sitam Shiyar Bhala Kya Mitaenge
Bid’at Ke Fatwe Ashko Mein Sab Doob Jaenge
Jeete Hain Hamto Madar E Sheh Ki Dua Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Paani Tawaaf Karta H Ghaazi Ki Qabr Ka
Kaba H Goya Qabr, Sujaat Ka, Sabr Ka
Ye Alqama Ka Rishta Hai Ab Bhi Wafa K Saat
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Zikre E Gham E Husaain Ka Aijaz Delhiye
Kausar Ko Meri Aankh Pa Hai Naaz Dekhiye
Chalki Hui Furat Hai Ashq E Aza Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Har Aik Rang O Nasl Ke Insan Dosto
Sabke Dilon Mein Aik Hai Armaan Dosto
Ghazi Bula Len Sabko Sahar Ki Hawa Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath

Ameer Ko Aur Toosi Ko Karbobala Mili
Taskeen E Dard Ke Liye Khak E Shifa Mili
Gham Bhi Mila To Hamko Mila Hai Dawa Ke Sath
Matam Meri Hayat Tabarruq Meri Ghiza
Zinda Mera Wujood Hai Karbobala Ke Sath