Syed Raza Abbas Zaidi
Rehan Azmi
Sajjad Rehayi Pa Kar Bhi
Pardais Se Ghar Ko Aa Kar Bhi
Jab Ashk Bahate Rehte The
Zainab Se Dukh Dekhe Na Gaye
Ek Roz Tadap Ke Pochha
Sajjad To Kab Tak Roye Ga
Us Waqt Mere Mola Ne Kaha
Amma Apne Muqadar Par
Sughra Ke Sawalo Par
Kiyon Na Roye Sajjad
Ae Meri Phuphi Insaf Tu Kar
Naize Pe Jo Dekhe Baap Ka Sar
Ho Sath Safar Main Wo Jisne
Cheera Tha Ali Akbar Ka Jigar
Durron Ki Saza Milti Ho Jahan
Bachon Ko Ashk Bahane Par
Tum Chhup Chhup Kar Khoon Roti Ho
Main Roun To Kiyon Kehti Ho
Roya Na Karo Ae Laal Mere
Bhai Ko Gawa Kar Baithi Hon
Masoom Behan Ko Zindan Main
Jo Chhod Ke Tanha Aaya Ghar
Naize Se Gira Abbas Ka Sar
Mai Dekh Chuka Hon Wo Manzar
Darbar Mai Main Kiyon Mar Na Gaya
Jab Naam Tumhara Le Le Kar
Kehta Tha Laeen Zainab Hai Kahan
Le Aao Yahan Par Be Chadar
Sab Qatl Huwe Mai Zinda Hon
Bemaar Sahi Lad Sakta Tha
Sharminda Hon Main Asghar Se
Wo Teer e Sitam Se Ladh To Gaya
Wo Teer Mere Kiyon Kar Na Laga
Jis Teer Se Ghayal Tha Asghar
Kiyon Samne Sughra Ke Jaun
Behtar To Yehi Hai Mar Jaun
Tum Zinda Ho Akbar Na Raha
Wo Pochhe To Kya Batlaun
Kya Sabr Karo Kya Zapt Karon
Hai Zakhm Bahot Dil Ke Andar
Sar Dasht Mai Tha Baba Ka Rakha
or Takht Pe Qatil Baitha Tha
Dandane Mubarak Par Unke
Khush Ho ke Chhadi Wo Marta Tha
Afsos Main Kuch Bhi Kar Na Saka
Ab Tak Hai Usi Se Dard e Jigar
Rehan o Raza Rote Rehna
Iss Dehr Main Hai Jab Tak Jeena
Nohon Ki Azane De De Kar
Har Shaks Se Ye Kehte Rehna
Be Gor o Kafan Masoom Behan
Zindan Mai Ho Jiske Hathon Par
