Sibtain Haider
Danish Ali Amar
Ye Dastar Khwaan Mola Ka Zamane Ko Btata Hai
Hasan Mola Ke Sadqe Main Zamana Rizk Pata Hai
Sajao Ghar Main Dastar Khwaan Agar Ho Rizk Ki Tangi
Rakho Pani To Or Keh Do Sunu Meri Ye Hajat Bhi
Tumhare Rizk Ko Kaise Hasan Mola Badhata Hai
Bohat Mashhoor Hai Tareekh Main Mola Ka Dastar Khwaan
Khuda Ke Hukm Se Chalta Hai Ye Mola Ka Dastar Khwaan
Azal Se Hi Zamane Ko Ye Dastar Khwaan Khilata Hai
Hai Dastar Khwaan Mola Ka Khuda Se Jo Milaye Ga
Ameeron Or Ghareebon Ko Yahan Par Dekha Jaye Ga
Sawali Chahe Jo Bhi Ho Yahan Se Le Ke Jata Hai
Sawali Se Kaha Mola Ne Hai Baba Ali Mera
Mere Sar Par Mere Baba Ka Or Nana Ka Hai Saya
Ali Ka Hai Ye Dastar Khwaan Hasan Jis Ko Chalata Hai
Zamana Chahe Jaisa Ho Kabhi Bhi Gham Na Aayen Ge
Kisi Ke Samne Mola Usse Jhukne Nahi Den Ge
Jo Ghar Apne Hasan Mola Ka Dastar Khwaan Sajata Hai
Khuda Ka Hai Wasila Ye Dua Zehra Se Gar Pani
Bichhao Sabz Kapde Ko Rakho Phhir Mashak Main Pani
Jo Dastar Khwaan Pyason Ki Hamain Yaden Dilata Hai
Khuda Aabad Rakhe Honsle Un Sab Jawano Ke
Yunhi Hote Rahen Charche Ali Ke Aashkano Ke
Yahan Par Har Koi Apna Muqadar Khud Banata Hai
Jo Parachinar Walo Ne Ye Dastar Khwaan Sajaya Hai
Ali Ke Laal Ka Sadqa Zamane Ko Khilaya Hai
Yahan Beemaar Bhi Aakar Shifain Le Ke Jata Hai
Unhin Se Rizq Payen Ge Suno Sibtain Or Danish
Yahin Dil Ki Tamana Hai Yahin Seene Ki Hai Khawhish
Wo Jin Ke Naam Ka Sadka Khuda Sab Ko Khilata Hai
