Farhan Ali Waris
Mazhar Abidi
Rehmat Ka Waseela Hai Barkat Ka Waseela Hai
Mola Ka Dastarkhwan Hai Kya Nemat Ka Waseela Hai
Mere Ghar Mein Saja Hai Aaj Mola Ka Dastarkhwan
Duniya Mein Nahi Is Dastarkhwan Ke Jaisa Dastarkhwan
Mere Ghar Mein Saja Hai Aaj Mola Ka Dastarkhwan
Karam Karam Allah O Nabi Ka
Karam Karam Bibi Zehra Ka
Mashhoor Zamane Walon Mein Tha Dastarkhwan Hasan Ka
Is Ghar Ke Dastarkhwan Mein Hai Us Dastarkhwan Ka Sadqa
Han Rizq Ki Tangi Door Kare Hai Aaisa Dastarkhwan
Ho Jis Ke Ghar Mein Rizq Ki Tangi Dastarkhwan Saja Le
Ghar Kuchh Bhi Nahi Ho Pas To Bas Pani Pe Nazar Dila Le
Phir Daikh Waseeh Karta Hai Mola Kaisa Dastarkhwan
Mansoob Ksi Masoom Se Kar Do Ghar Ka Dana Dana
Ek Bar Durood E Pak Parho Sayel Ko Khila Do Khana
Tareekh Mein Aisa Dekha Hai Zehra Ka Dastarkhwan
Shabbir Ke Roze Par Jate Hain Jitne Chahne Wala
Sab Khate Hain Taqdeer Se Kaise Kaise Pak Niwale
Mola Ke Dar Par Milta Hai Mola Ka Dastarkhwan
Farhan Pardhe Mazhar Bhi Likhe Is Dastarkhwan Ki Midhat
Is Dastarkhwan Pe Khana Kha Kar Badh Jati Hai Izzat
Hai Aal E Nabi Se Nisbat Jis Ko Aisa Dastarkhwan
Mere Ghar Mein Saja Hai Aaj Mola Ka Dastarkhwan
Rehmat Ka Waseela Hai Barkat Ka Waseela Hai
Mola Ka Dastarkhwan Hai Kya Nemat Ka Waseela Hai
