Nabi Syed Ul Ambiya Ke Barabar

Nabi Syed Ul Ambiya Ke Barabar Lyrics in Urdu

کُل انبیاء سےافضل عالی مقام ہیں وہ
اللہ بھیجتا ہے جس پر سلام ہیں ہو

نبی سیدالانبیاء کے برابر
نہ پہلے تھا کوئی نہ اب ہے نہ ہو گا

محمدؐ کا ثانی محمدؐ کا ہمسر
نہ پہلے تھا کوئی نہ اب ہے نہ ہو گا

اگر ہے تو اک ذات اللہ کی ہے
جو ذاتِ محمدؐ سے اعلٰی ہے ورنہ
محمدؐ سے اعلٰی محمدؐ سے بر تر
نہ پہلے تھا کوئی نہ اب ہے نہ ہو گا

زُلیخا تھا جس پہ فدا جان و دِل سے
وہ یوسف بڑے خوبصورت ہیں لیکن
رُخِ مصطفٰیؐ سے حسیں روئے انور
نہ پہلے تھا کوئی نہ اب ہے نہ ہو گا

نبی سارے محبوب ہیں کبریا کے
مگر یہ بھی سچ ہے بجز مصطفٰی کے
حبیبِ خُدا دونوں عالم کا دلبر
نہ پہلے تھا کوئی نہ اب ہے نہ ہو گا

بڑائی میں پُر نم وہ بعد از خدا ہیں
شہِ انبیاء ہیں شہِ دو سرا ہیں
بشر اُن کے رُتبے کا اللہ اکبر
نہ پہلے تھا کوئی نہ اب ہے نہ ہو گا