Amma Mein Thak Chuka Hun Lyrics - Shadman Raza
Let’s Check Out The Amma Mein Thak Chuka Hun Lyrics, Recited by Shadman Raza. It is a New Noha of the Year 2021. Its Beautiful Lyrics Are Written By Majid Raza Abidi.
Title
Amma Mein Thak Chuka Hun
Recited By
Written By
Majid Raza Abidi
Amma Mein Thak Chuka Hun Lyrics in English
Gardan Sy Sheh Ki Khanjar E Qatil Qareeb Tha
Zehra Sirhany Aa Gai Karti Hui Buka
Zanoo Ki Maan Ki Shah Ne Tab Sar Ko Rakh Diya
Ankhen Thiin Band Aur Yeh Noha Labon Pe Tha
Shabbir Keh Rahe Hain Aansoo Baha Baha Ke
Amma Main Thak Chuka Hun Lashe Utha Utha Ke
Maine Uthai Amman Hathon Pe Lashe Akbar
In Hathon Se Banai Khud Maine Qabr E Asghar
Yun Marte Hain Zaalim Mujh Ko Rula Rula Ke
Amma Main Thak Chuka Hun Lashe Utha Utha Ke
Maidan Se Mujh Ko Jis Dam Abbas Ne Pukara
Kham Aa Gaya Kamar Mein Toota Mera Sahara
Dariya Pe Ja Raha Tha Main Sar Jhuka Jhuka Ke
Amma Main Thak Chuka Hun Lashe Utha Utha Ke
Akbar Meri Nazar Ki Beenai Ly Gaye Thy
Gir Gir Ke Poochta Tha Beta Mera Akbar Hai
Woh Mujh Ko Dhundta Tha Gardan Utha Utha Ke
Amma Main Thak Chuka Hun Lashe Utha Utha Ke
Do Bhanjon Ke Mere Jab Ran Sy Laye Lashe
Zainab Ne Ladlon Ky Jis Waqt Paye Lashe
Sajde Woh Kar Rahi Thi Aansoo Baha Baha Ke
Amma Main Thak Chuka Hun Lashe Utha Utha Ke
Amman Meri Nazar Mein Manzar Woh Chaa Rahe Hain
Bachi Pe Meri Aadaa Yun Zulm Dhaa Rahe Hain
Pani Baha Rahe Hain Us Ko Dikha Dikha Ke
Amma Main Thak Chuka Hun Lashe Utha Utha Ke
Guzren Gy Aur Masaib Meri Behan Ky Ooper
Ankhon Mein Phir Raha Hai Yeh Dardnaak Manzar
Woh Sham Ja Rahi Hai Nohay Suna Suna Ke
Amma Main Thak Chuka Hun Lashe Utha Utha Ke
Ay Shadman O Majid Kaise Parhen Yeh Manzar
Jab Halq Rakh Rahi Thi Zehra Guloo E Sheh Par
Gardan Jhuka Jhuka Ke Khanjar Hata Hata Ke
Amma Main Thak Chuka Hun Lashe Utha Utha Ke
Found a mistake? Just select the incorrect part and click on the report button to provide the correction. We will replace it.
Support Our Work
Join us on Patreon and help us continue creating great content.
Support Us On Patreon
