Majlis E Matam

Jab Dekhen Chand Muharaam Ka
Sab Jayen Khayam E Hussaini Par
Abbas Ky Khaimy Par Ruk Kar
Jab Izn E Ziarat Payen Gy
Majlis Matam...

Jab Pahunchen Gy Us Manzil Par
Asghar Ky Laga Tha Teer Jahan
Bulwayen Gy Nanhy Bachon Ko
Sab Ko Pani Pilwayen Gy
Majlis Matam...

Matam Na Ruky Ga Ahl E Aza
Akbar Ky Jahan Naiza Tha Laga
Hum Khoon E Ali Akbar Ki Qasam
Noha Sughra Ka Sunayen Gy
Majlis Matam...

Dariya Ky Kanary Beth Ky Hum
Royen Gy Woh Manzar Soch Ky Hum
Jab Khoon Mein Bhara Aya Tha Alam
Yeh Soch Ky Ashk Bahayen Gy
Majlis Matam...

Jab Aath Muharram Aye Gi
Bachon Ko Banayen Gy Saqqa
Us Roz Saja Kar Mashk O Alam
Sharbat Py Nazar Dilwayen Gy
Majlis Matam...

Jab Sham E Ghareeban Aye Gi
Kya Kya Na Hamen Rulwaye Gi
Ek Jalty Huye Jhooly Ki Shabeeh
Yad Aai To Mar Jayen Gy
Majlis Matam...

Jis Teely Sy Zainab Ny Kabhi
Kat’ty Huye Dekha Bhai Ka Sar
Yad Aye Ga Roz E Ashura
Seeny Gham Sy Phat Jayen Gy
Majlis Matam...

Ashor Ka Din Jab Ho Ga Ayan
Maula Sy Kahen Gy Ro Ro Kar
Daman Mein Chupa Lijiye Maula
Hum Laot Ky Ghar Na Jayen Gy
Majlis Matam...

Rehan Ki Aur Sarwar Ki Sada
Hai Karbobala Sy Wabasta
Yeh Wirsa Marty Marty Bhi
Hum Naslon Ko Dy Jayen Gy
Majlis Matam...