Nadeem Sarwar
Rehan Azmi
Jaisey Jaisey Raat Ja Rahi Hai
Aik Alam Ke Saaye May Qaime
Mehwe Dua Qaimo May Pyase
Pyaso Ki Awaaz Fiza May
Shukre Khuda Dohra Rahi Hai
Jaisey Jaisey Raat Ja Rahi Hai
Door Watan Se Kuch Pardesi
Seh Ke Aziyat Tishnalabi Ki
Dekh Rahe Hai Jaanibe Darya
Mauj Qayamat Dha Rahi Hai
Jaisey Jaisey Raat Ja Rahi Hai
Aamne Samne Do Lashkar Hain
Sabr Idhar Us Ja Khanjar Hai
Fauj Idhar Masroofe Ibadat
Ek Tayghein Chamka Rahi Hai
Jaisey Jaisey Raat Ja Rahi Hai
Aik Behan Ko Fikr Yehi Hai
Raat Ye Kyon Dhalti Jati Hai
Iski Sehar Ke Peeche Peeche
Subhe Shahadat Aa Rahi Hai
Jaisey Jaisey Raat Ja Rahi Hai
Kehti Hai Bachon Se Maayein
Aao Tumhein Aaj Sayjayein
Waqt Yehi Qurbani Ka Hai
Deen Pe Musibat Aa Rahi Hai
Jaisey Jaisey Raat Ja Rahi Hai
Wo Jo Shabihe Payghambar Hai
Zad Pe Sina Ki Uska Jigar Hai
Maut Usi Ki Khaatir Naiza
Maqtal May Lehra Rahi Hai
Jaisey Jaisey Raat Ja Rahi Hai
Jhoola Jhoolne Wala Bacha
Lori Sunkar Bhi Na Soya
Bache Ko Aadabe Shahadat
Lori Khud Samjha Rahi Hai
Jaisey Jaisey Raat Ja Rahi Hai
Saath Isay Is Ban May Ek Maa
Baal Khule Bahaale Pareshan
Jhaadti Hai Maqtal Ki Zameen Ko
Roti Hai Thar-ra Rahi Hai
Jaisey Jaisey Raat Ja Rahi Hai
Rakhdo Qalam Rehan O Sarwar
Dard Bhara Hai Subho Ka Manzar
Lehjaye Akbar Se Jo Ubhri
Shoty Azan Wo Aa Rahi Hai
Jaisey Jaisey Raat Ja Rahi Hai
