Hota Hai Pamal Hussain Lyrics - Farhan Ali Waris

Hota Hai Pamal Hussain Lyrics in Urdu

کِتنا مظلوم ہے شبیرؑ سُنو اہلِ عزا
۱۳ ضربوں سے گلا شِمر نے جب کاٹ دیا
بے کفن لاش كے نزدیک اِبنِ سعد آیا
چور زخموں سے بدن دیکھ كے بھی دِل نا بھرا
حُکم پامالی کا ظالم نے دیا یہ کہ كے
پَسلیاں ٹوٹیں تو آواز سُنائی دے مجھے

زَہراؑ کا لال حُسینؑ
ہوتا ہے پامال حُسینؑ

سب سے وَزنی ہیں جو راحوار اُنہیں بُلواؤ
اور کُچلنے میں جو ماہِر ہیں وہ گھوڑے لاؤ
مِیخ پیوست کرو اُن کے سُموں كے نِیچے
نال بَندی کرو پِھر رَن میں اُنہیں لے آؤ
لاشِ سرور پہ سے گھوڑوں کو گُزارو ایسے
پَسلیاں ٹوٹیں تو آواز سُنائی دے مجھے

ظُلم اِتنا کرو شبیرؑ كے اِس لاشے پر
پسلیاں ٹوٹ كے ہو جائیں اِدھر اور اُدھر
جیسے نولاکھ نے مَقتل میں اِسے مارا تھا
ایک بار اور اِسے گھیر كر مارو مل کر
تُحفہ حاکم سے میں دِلواؤں گا لیکن پہلے
پَسلیاں ٹوٹیں تو آواز سُنائی دے مجھے

چاہتا ہوں کے اِسے ڈھونڈنے جب آئے بَہن
وہ بھی مرجائے یہاں دیکھ کے یہ کُچلا بدن
خون ہی خون نظر آئے اُسے بھائی کا
دینا چاہے بھی تو نا دےسکے وہ اِس کو کفن
اُس نے پھر پاؤں رکھا سینے پہ یہ کہتے ہوئے
پَسلیاں ٹوٹیں تو آواز سُنائی دے مجھے

آگ خیموں کو لگانی ہے تو آگے آؤ
جو مدینے میں ہوا ظُلم وہی دُہراؤ
وہاں دروازے پہ چلتے تھے مدینے والے
تُم یہاں لاش پہ سے گھوڑے گُزارے جاؤ
اتنی تکلیف دو ماں یاد اِسے آنے لگے
پَسلیاں ٹوٹیں تو آواز سُنائی دے مجھے

شمر نے کاٹا گلا سینے پہ چڑھ کر اُس کے
کھینچی سَنّان نےگردن کی رگیں نیزے سے
کاٹی بُنجدل نے انگوٹھی کے لئے اُنگلی بھی
خولی سر لے گیا تندور میں رکھنے کیلئے
رہ گئے تھے جو اُنہیں بھیجا گیا یہ کہ کے
پَسلیاں ٹوٹیں تو آواز سُنائی دے مجھے

کیسے ذیشانؔ لکھےکس طرح فرحان پڑھے
سارے گھوڑے بدنِ شاہؑ کی جانب دوڑے
پسلیاں ٹوٹ گئیں ماں کی طرح بیٹے کی
بےکفن لاش پہ رہواروں نے جب سُم پٹخے
پسرِ سعد یہی کہتا رہا ہنس ہنس کے
پَسلیاں ٹوٹیں تو آواز سُنائی دے مجھے

Hota Hai Pamal Hussain Lyrics - Farhan Ali Waris