Qatal Gah E Imam Hussain Lyrics - Syed Raza Abbas Zaidi

Qatal Gah E Imam Hussain Lyrics in Urdu

حُسینؑ والوں سنو یہ ہے قتل گاہِ حُسینؑ
تڑپ رہا تھا یہیں پر علیؑ كے دِل کا چین
یسی مقام پہ زہرا یہ کر رہی تھیں بین
نا قتل کر میری گُودی میں میرا نورِعین
یہاں تلک سنو کیسے حُسینؑ آیا تھا
لعین کھینچ كے بالوں سے اُس کو لایا تھا

طمانچہ مار كے سینے پہ جب سوار ہوا
تڑپ كے رہ گئے شبیرؑ صرف اِتنا کہا
اُتَر جا سینے سے ظالم نا ظلم کر اِیسا
ہے میرے سینے پہ بس حق میری سكینہ کا
یہاں پہ آئی تو مر جائے گی وہ رو رو کر
سكینہ دیکھ نا لے تجھ کو میرے سینے پر

کبھی بدن پہ وہ خَنجر سے وار کرتا تھا
کبھی حُسینؑ كے زخموں پہ خاک ڈالتا تھا
پِھر اپنے پاؤں سے زخموں کو جب مَسلتا تھا
علیؑ کا بیٹا وہاں بار بار مرتا تھا
غریبِ زہرہ جب عباسؑ کو پکارتا تھا
لعین داڑھی پکڑ کر طمانچہ مارتا تھا

اِسی مُقام سے ستر قدم تھی دور بہن
پُکارتی رہی نا کاٹ شمر سوکھا دَھن
تو جانتا ہے بہت دھور ہے ہمارا وطن
میں لے كے آؤنگی اس کے لیے کہاں سے کفن
وہاں حسنؑ کو ملے دو کفن میں بھولی نہیں
یہاں حُسینؑ کی قسمت میں اِک کفن بھی نہیں

زبان خُشک ہے زخمی ہے اسکی پیشانی
جوان بیٹے كے قاتل نے ماری ہے برچھی
ہزاروں زخم یہ کھا کر گرا ہے تھک كے ابھی
ہوا ہے گرم زمیں تپ رہی ہے مقتل کی
پلا دے پانی محمدؐ کا یہ نواسہ ہے
ہے منه کُھلا ہوا نا جانے کِتنا پیاسا ہے

اے رونے والوں یہ دِل تھام کر سنو منظر
چلی چُھری تو رکھا ہاتھ ماں نے رو رو کر
گلا سمجھ كے وہ کرتا تھا وار گِن كے مگر
ہاں زخم آتے رہے فاطمہ كے ہاتھوں پر
حُسین کہتے تھے اماں ہٹا لو ہاتھ اماں
گلے پہ چلنے دو خنجر بچا لو ہاتھ اماں

تڑپتے رہ گئے مقتل میں دونوں ماں بیٹے
گلے پہ شاہ كے ظالم نے تیرہ (۱۳) وار کیے
بیان حل ہو ذیشانؔ اور رضا کیسے
ابھی تلک تو بہن اٹھ رہی تھی گِر گِر كے
سَرِ حُسین کٹا دیکھ نا سکی زینب
زمین پہ ایسے گِری جیسے مر گئی

Qatal Gah E Imam Hussain Lyrics - Syed Raza Abbas Zaidi