Ana Ibne Makka o Mina

Ana Ibne Makka o Mina Lyrics

Bayan Karta Hun Darbar E Shaam Ka Manzar
Jahan Thy Saat So Kursi Nasheen Fitna Gar
Yazeed Jhoom Raha Tha Sharab Pee Pee Kar
Aur Aisi Bazm Mein Afsos Aal E Payghambar
Tha Un Ke Samne Ik Bad Kalam Mimbar Par
Bayan Karta Tha Jhote Yazeed Ke Johar
Jab Us Ny Khatm Ki Taqreer Bad Kalami Par
Khateeb E Jehl Sy Boly Yeh Abid E Muztar
Ky Tu Ny Khush Kiya Makhlooq Ko Zuroor Magar
Khareeda Qehr E Khuda Tu Ny Mukhtasar Zar Par
Ary Jahan Ho Zikr E Bad Atwaar Woh Mimbar Kab Hai
Lakrhion Ka Hai Woh Anbaar Woh Mimbar Kab Hai
Kaha Yazeed Sy Kuch Main Kahun Ijazat De
Yazeed Chup Tha To Darbari Sary Kehny Lage
Yazeed Dy Dy Ijazat Isy Bhi Kehny De
Yeh Kya Kahy Ga Larazta Hai Jo Naqaahat Sy
Sambhaly Taoq O Rasan Shaa E Kirdegaar Aai
Imam Aaye Ky Mimbar Pe Zulfiqar Aai

Jis Ka Mimbar Tha Wohi Bar Sare Mimbar Aaya
Woh Akela Tha Magar Soorat E Lashkar Aaya
Lab Kusha Soorat E Quran Woh Haider Aaya
Jab Woh Khamosh Zubaan Bar Sare Darbar Chali
Karbala Mein Na Chali Thi Woh Talwar Chali

Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Lehja E Noor Mein Maula Ne Kaha Bismillah
Layeq E Hamd O Sana Hai To Wohi Aik Khuda
Jis Ne Hum Aal E Muhammad Ko Hai Takhleeq Kiya
Jis Ko Maloom Hai Maloom Hai Mera Shajra
Jo Nahi Janta Woh Sun Ly Ta’aruf Mera
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Hum Ko Allah Ny Chay (6) Khobian Bakhshiin Ba Khuda
Ilm Aur Hilm Diya Aur Dil E Momin Mein Rakha
Hai Samaahat, Wa Fasahat Wa Shuja’at Wirsa
Kam Na Thiin Chay (6) Go Ky Yeh Izzat K Liye
Sifaten Saath Miliin Aur Fazeelat K Liye
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Hum Mein Awwal Jo Thy Woh Ahmad E Mukhtar Huye
Koi Hamza To Koi Jafar E Tayyar Huye
Hum Hi Haider Huye, Abbas E Alamdar Huye
Hum Ko Mairaj E Risalat Bhi Imamat Bhi Mili
Hum Ko Mehraab E Ibadat Mein Shahadat Bhi Mili
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Us Ka Farzand Hun Seh Roz Raha Jo Pyasa
Darmian Zeen O Zameen Jis Ka Raha Tha Lasha
Jis Ky Sajdy Ky Sabab Khak Bani Khak E Shifa
Khak Aur Khoon Mein Dooba Tha Umama Jis Ka
Summ E Asbah Taly Ronda Gaya Lasha Jis Ka
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Ahl E Insaf Ab Insaf Sy Itna Keh Den
Jis Ki Chokhat Py Salami Ko Farishty Utren
Noky Naiza Sy Laeen Un Ki Ridayen Looten
Tum Ny Khaimey Nahi Allah Ka Ghar Khak Kiya
Kalma Parh Parh Ky Muhammad Ka Jigar Chaak Kiya
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Jis Ky Pardy K Liye Ayat E Tatheer Aaye
Sang Barsaty Huye Un Py Yahan Tak Laye
Haif Hai Rooh E Muhammad Sy Na Tum Sharmaye
Hum Ny Paband E Rasan Ho Ky Tujhe Maara Hai
Ibne Marjana Tu Jeeta To Nahi Haara Hai
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Baat Jab Khul Gai Sadaat E Muhammad Hain Yahan
Ro Diye Ahl E Jafa Ubhra Baghawat Ka Samaan
Aur Isi Shor Mein Hakim Ny Diya Hukm E Azan
Saat Afraad Jo Yak Musht Azaan Deny Lage
Haq Mein Sajjad Ky Darbari Bayaan Deny Lage
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Jab Moazzin Ny Kiya Kalma E Takbeer Ada
Boly Sajaad Bazurgi Hai Usi Ko Zaiba
Jaisy Hi Naam Muhammad Ka Moazzin Ny Liya
Murh Ke Hakim Se Kaha Tere Irady Bad Hain
Yeh Muhammad Hain Tumhare Ke Hamare Jadd Hain
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Aeb Kiun Apny Kiun Chupata Hai Azaanen De Kar
Thy Agar Tery Muhammad To Sitam Kiun Hum Par
Daal Is Taoq Py, Zanjeer Py Ek Baar Nazar
Zakhm Jo Tu Ne Diye Sab Dil E Beemar Mein Hain
Betian Hain Yeh Muhammad Ki Jo Darbar Mein Hain
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Tu To Kehta Hai Ky Hai Dhong Naoozobillah
Na Payambar Na Wahi Aai Na Quran Utra
Phir Azaanen Bhi Tu Darbar Mein Hai Dilwata
Ly Munafiq Tery Chehre Se Utarti Hai Naqaab
Jis Ka Munkir Hai Woh Quran Tera Le Ga Hisab
Ana Ibne Makka O Mina
Ana Ibne Zam Zam O Safa
Ana Ibne Ali O Fatima

Is Shaqaawat Py Bhi Hum Haary Nahi Jeet Gaye
Naam Azanon Mein Tumhary Nahi Hum Jeet Gaye
Kya Yeh Qudrat Ky Ishary Nahi Hum Jeet Gaye
Yak Ba Yak Fatah E Mubeen Sab Ko Nazar Aany Lagi
Marhaba Syed E Sajjad Sada Chaany Lagi

Bole Phir Abid E Beemar Yeh Izzat Dekhi
Dekhi Ay Takht E Sitamgaar Yeh Izzat Dekhi
Phir Gaya Tujh Se Yeh Darbar Yeh Izzat Dekhi
Jis Ka Hami Ho Khuda Kon Usy Zillat De
Izzaten Us Ki Hain Allah Jisy Izzat De
Haye Hussaina Haye Hussaina
Utry Mimbar Se To Baba Ky Katy Sar Ny Kaha
Marhaba Ae Mere Sajjad Ghareeb E Zehra
Mojza Sarwar O Rehan Falak Ne Dekh
Ky Khutba E Zainab O Sajjad Ny Woh Kaam Kiya
Hashr Tak Zikr E Hussain Ibne Ali Aam Kiya
Haye Hussaina Haye Hussaina