Mir Sajjad Mir
Mir Sajjad Mir
Tareekh E Karbala Hai Yeh Tareekh E Karbala
Haye Ghareeb Hussain Haye Ghareeb Hussain
Aao Sunaun Tum Ko Main Tareekh E Karbala
Yani Ghareeb E Fatima Zehra Ka Marsiya
Zehra Ka Laal Sham Ki Faojon Mein Tha Ghira
Qurban Ho Chuky Thy Sab Ansar O Aqraba
Ghurbat Ki Bay Kasi Thi Shah E Mashriqain Thy
No Lakh Faoj E Sham Mein Tanha Hussain Thy
Haye Ghareeb Hussain Haye Ghareeb Hussain
Tanhai Dhundti Hai Woh Lashkar Kidhar Gaya
Tooti Hui Kamar Hai Jawan Bhai Mar Gaya
Noor E Nazar Ke Sath Hi Noor E Nazar Gaya
Armaan Tha Jis Ki Shadi Ka Woh Bhi Guzar Gaya
Rota Hai Dil Shabeeh E Payambar Nahi Raha
Sughra Ki Yad Ati Hai Akbar Nahi Raha
Haye Ghareeb Hussain Haye Ghareeb Hussain
Main Kis Tarha Bayan Karun Us Waqt Kya Tha Haal
Kha Kar Sitam Ka Teer Jo Asghar Huwa Nidhal
Jab Hichkian Woh Leta Tha Masoom Nonahaal
Bano Na Dekh Le Kahin Sheh Ko Tha Yeh Khayal
Jitna Lahu Ugal Diya Maah E Muneer Ne
Utna To Doodh Bhi Na Piya Tha Sagheer Ne
Haye Ghareeb Hussain Haye Ghareeb Hussain
Bachay Ki Apne Qabar Banane Lage Hussain
Khud Bay Basi Ki Lash Uthanay Lage Hussain
Pyasay Labon Py Ashk Giranay Lage Hussain
Matti Mein Apna Chand Chupane Lage Hussain
Thi Itni Garm Rait Keh Ghabra Gaye Hussain
Chehreay Pe Khak Daal Ke Tharra Gaye Hussain
Haye Ghareeb Hussain Haye Ghareeb Hussain
Rote Huwe Imam Jo Khaimy Ke Darr Py Aye
Thy Hamsafar Hussain Ke Tanhaiyon Ke Saye
Awaz Kis Ko De Kise Mazloom Ab Bulaye
Koi Nahi Bacha Mere Mola Ka Haye Haye
Aai Sada Yeh Fikar Keh Shah E Umam Na Kar
Zainab Tujhe Sawar Karaye Gi Gham Na Kar
Haye Ghareeb Hussain Haye Ghareeb Hussain
Haye Hussain Gham Mein Safon Ki Safai Ki
Aadaa Se Bhook Pyas Mein Aisi Larhai Ki
Faojon Se Aa Rahi Thi Sadayen Duhaai Ki
Aise Mein Sheh Ko Lash Nazar Aai Bhai Ki
Gonji Sada Yeh Fatima Zehra Ky Chain Ki
Abbas Uth Ke Dekho Larai Hussain Ki
Haye Ghareeb Hussain Haye Ghareeb Hussain
Baten Tasawuraat Mein Karte Thy Shah E Deen
Itne Mein Ghairne Lage Mola Ko Sab Laeen
Ghorhe Pe Dagmagaa Gaya Zehra Ka Mehjabeen
Bibi Pukarti Thiin Batao To Ahl E Keen
Pyase Ho Kiun Lahu Ke Ghareeb o Dayaar Ki
Tum Ko Mile Ga Kya Mere Bache Ko Maar Ke
Haye Ghareeb Hussain Haye Ghareeb Hussain
Sajjad Kya Bayaan Ho Woh Karb Ki Ghharhi
Chalne Lagi Jo Halq Pe Mazloom Ke Churi
Sattar Qadam Se Aik Behan Dekhti Rahi
Toheen Shimr Karta Tha Zainab Ke Bhai Ki
Kehti Thi Ghazi Aa Ke Bachana Hussain Ko
Jab Shimr Marta Tha Tamancha Hussain Ko
Haye Ghareeb Hussain Haye Ghareeb Hussain
