Mir Hasan Mir
Mir Takallum
Ye Gurbat e Ali Hai
Haq Mangne Jo Zahra Darbar Mein Gayi Hai
Ye Gurbat e Ali Hai
Awaz Aa Rahi Hai Main Bint e Mustafa Hon
Baba Ke Kalma Goyon Main Hi To Fatima Hon
Pehchan Ne Se Duniya Inkar Kar Rahi Hai
Sun Kar Salam e Haider Koi Nahi Hai Rukta
Wajib Nahi Samajhta Koi Jawab Dena
Afsos Fatima Bhi Ye Baat Janti Hai
Masjid Mein Sar Jhukaye Mola Khade Howe Hain
Hakim Ki Tohmaton Ko Chup Chap Sun Rahe Hain
Sidiqa Sab Ke Aage Jhutlayi Ja Rahi Hai
Kehti Hain Ro Ke Zahra Jane Na Don Gi Tanha
Patke Mein Murtaza Ke Hai Hath Syeda Ka
Ab Hai Kissi Ka Dura Or Dukhtar e Nabi Hai
Ek Kuche Mein Pohanch Kar Daikha Hai Mujtaba Ne
Zalim Ne Zarb Mari Kaise Khuda Hi Jane
Bint e Nabi Zameen Par Gash Kha Ke Gir Padi Hai
Mazloom e Karbala Ko Yad Aa Gayi Sakina
Beti Pe Mustafa Ki Qunfuz Ka Hath Utha
Pehlu Mein Murtaza Ki Talwar Ro Padi Hai
Pehlu Bhi Hai Shikasta Hathon Pe Bhi Hain Chhale
Hai Aap Ki Amanat Ab Aap Ke Hawale
Ye Keh Ke Murtaza Ne Maiyat Nabi Ko Di Hai
Kafi Hai Bas Ye Fiqra Rone Ko Zindagi Bhar
Hathon Ko Apne Aksar Kehte The Mal Ke Haider
Khaiber Shikan Ki Zojah Ghut Ghut Ke Mar Gayi Hai
Kaise Likhe Takallum Gurbat Ali Wli Ki
Zoja Sahabiyon Ke Darbar Mein Gayi Thi
Beti Sharabiyon Ke Darbar Mein Gayi Hai
