Ya Ali Adrikni

Ro Ke Bazar Mein Deti Thi Sada Bint e Ali
Ya Ali Adrikni

Nook e Naiza Se Sada Deta Hai Ibn e Zahra
Loag Zainab Ki Taraf Dekh Rahe Hain Baba
Zair e Khanjar Nazar Aati Hai Tumhari Beti
Ya Ali Adrikni

Imtehaan Ghairat e Sajjad Ka Kaisa Ho Ga
Qatal Darbar Mein Sajjad Dobarah Ho Ga
Mangne Aaya Hai Bani Ko Kaneezi Mein Shaqi
Ya Ali Adrikni

Kehdo Zalim Se Mujhe Mar Le Aa Kar Durrah
Baba Zainab Se Yeh Manzar Nahi Dekha Jata
Marta Hai Woh Mere Bhai Ke Honton Pe Chari
Ya Ali Adrikni

Sar Khule Sham Mein Sadaat Jidhar Jate Hain
Loag Pathar Liye Pehle Hi Nazar Aate Hain
Aaj Bazar Mein Mar Jaye Na Koi Bibi
Ya Ali Adrikni

Aap Ke Samne Jo Baat Nahi Karti Thi
Aaj Bazar Mein Woh Beti Bhi Khutbe De Gi
Aap Ke Lehje Ki Iss Waqt Zarorat Hai Bari
Ya Ali Adrikni

Abhi Darbar Se Pehle Hi Guzar Jaye Gi
Sun Liya Sani e Zahra Ne Tu Mar Jaye Gi
Loag Kehte Hain Hussain Ibn e Ali Ko Bagi
Ya Ali Adrikni

Sare Bazar Ne Hans Hans Ke Tamasha Dekha
Our Bhi Shimar Ne Iss Baat Pe Oss Ko Mara
Jab Tamachon Pe Sakina Ye Tarap Kar Boli
Ya Ali Adrikni

Baab e Saat Ka Jo Bazar Se Dekha Manzar
Thy Takallum Wahan Sab Loag Uthaye Pathar
Sani e Zahra Yeh Kehti Hoi Naqe Se Giri
Ya Ali Adrikni