Muslim Ka Lasha Eid Ke Din

Koi Bhi Uthane Aata Nahi Bekas Ka Janaza Eid Ke Din
Kufay Mein Phiraya Jata Hai Muslim Ka Lasha Eid Ke Din

Bhai Bhi Nahi Baite Bhi Nahi Koi Bhi Nahi Rone Wala
Muslim Ke Janaze Par Baithi Roti Rahi Zahra Eid Ke Din

Ik Aah Sunai Deti Hai Ik Lash Dikhai Deti Hai
Be Sakhta Aanso Aate Hain Yaad Aaye Jo Kufa Eid Ke Din

Tooti Hai Qayamat Ye Kaisi Dono Pe Nazar Hai Mola Ki
Muslim Ki Hameeda Roti Hai Be Taab Hai Sughra Eid Ke Din

Zalim Se Bachane Ki Khatir Zindaan Se Chhudane Ki Khatir
Umeed Yehi Hai Bachoon Ko Aaein Ge Baba Eid Ke Din

Muslim Ke Yateemo Ko Sheh Ne Seene Se Laga Kar Pyar Kiya
Ye Haal Yateemi Ka Logo Samjhi Thi Sakina Eid Ke Din

Ik Waar Ali Ke Sajde Se Muslim Ki Shahadat Tak Pohancha
Youn Aal e Nabi Ko Ummat Ne Har Bar Rulaya Eid Ke Din

Jis Ghar Mein Koi Mar Jata Hai Sab Aa Kar Pursa Dete Hain
Hum Kis Ko Dein Mola Mehdi Muslim Ka Pursa Eid Ke Din

Dastoor Zamane Se Hai Yehi Hum Ahl e Azza Ka Bad e Namaz
Hum Sun Ke Musayab Dete Hain Zahra Ko Pursa Eid Ke Din

Dafnaya Nahi Kafnaya Nahi Kaisi Ye Takallum Ghurbat Hai
Kofe Mein Musalmaan Sare The Muslim Tha Akela Eid Ke Din