Muslim Akela Hai

Muslim Akela Hai Lyrics

Kaha Shabeer Ne Ghazi Wo Dekho Janib e Kufa
Mera Muslim Akela Hai

Na Koi Monis o Yawar Na Koi Pas Hai Beta
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Mere Bhai Ko Charon Samt Se Fojon Ne Ghaira Hai
Hazaron Marne Wale Hain Our Muslim Akela Hai
Hain Kofi Chaar Janib Nahi Hai Koi Bhi Apna
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Bari Dushwar Manzil Hai Kabhi Aisa Na Waqt Aaye
Watan Se Door Ghurbat Mein Koi Aisay Na Dukh Paye
Ruqaiya Hone Wali Hai Abhi Kuch Dair Mein Bewah
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Jo Mere Dil Pe Guzri Hai Unhein Batla Nahi Sakta
Tumhari Betiyon Ke Sath Kofa Ja Nahi Sakta
Bacha Lein Mere Bhai Ko Najaf Nazdeek Hai Baba
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Kate Honton Ka Oss Ke Khon Jab Pani Mein Girta Hai
Gira Kar Jaam Pani Ko Bari Hasrat Se Takta Hai
Na Jane Kitna Zakhmi Hai Na Jane Kab Se Hai Pyasa
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Nazar Aate Nahi Abbas Ko Muslim Ke Shehzade
Muhammad Our Ibrahim Oss Ke Sath Nikle Thy
Kahan Par Kho Gaye Dono Na Jane Kya Howa Aisa
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Yeh Kal Tak Sath Thy Oss Ke Abhi Sab Ho Gaye Bagi
Safeer e Ibn e Haider Ki Ajab Ghurbat Hai Yeh Ghazi
Koi Ghar Se Nahi Nikla Sada Deti Rahi Zehra
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Siwaye Ibn e Urwa Ke Koi Aaya Nahi Aagay
Bachane Tu Nahi Aaye Woh Lasha Hi Utha Lete
Kahan Khat Likhne Wale Hain Koi Ab Tak Nahi Aaya
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Mere Abbas e Ghazi Ki Behan Ka Hai Yahan Roza
Tere Pursay Ko Maula Main Tu Kofa Aa Nahi Sakta
Main Bibi Pak Daman Ko Tera Noha Sunaon Ga
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Lipat Kar Sheh Ke Qadmo Se Kaha Ghazi Ne Aye Maula
Mujhe Pohancha Dein Kofa Tu Badal Doon Shehar Ka Naqsha
Ghareebi Par Mere Bhai Ki Sara Shehar Hai Hansta
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai

Kaha Akbar Ye Ro Ro Kar Sheh e Wala Ne Ghazi Se
Wo Dekho Bethi Hain Amma Wahan Daman Ko Phailaye
Sar e Muslim Ko Seene Se Lagaye Kehti Hain Zehra
Mera Muslim Akela Hai
Kaha Shabeer Ne Ghazi Wo Dekho Janib e Kufa
Mera Muslim Akela Hai