Muslim Ki Karbala Lyrics - Mesum Abbas

This website is for sale — Interested? Learn more →

Muslim Ki Karbala Lyrics in Urdu

ہائے مُسلمِؑ غریب

لوگو یہ شہرِ کوفہ مُسلمؑ کی کربلا ہے

اِک بے وطن یہاں بھی فوجوں مِیں گِھر گیا ہے
لوگو یہ شہرِ کوفہ مُسلمؑ کی کربلا ہے

عاشور سے بھی پہلے عاشور کا ہے منظر
خوش ہو رہے ہیں ظالم مُسلمؑ کا خوں بہا کر
تلوار ہے لعیں کی مظلوم کا گلا ہے
لوگو یہ شہرِ کوفہ مُسلمؑ کی کربلا ہے

برسے ہیں تیر اِس پر مارے گئے ہیں نیزے
لاکھوں سے پھر بھی مُسلمؑ لڑتا رہا اکیلے
نہ بھائی ہے نہ بیٹے نہ کوئی آسرا ہے
لوگو یہ شہرِ کوفہ مُسلمؑ کی کربلا ہے

پھینکا گیا ہے جس دم اِن کو بُلندیوں سے
آواز ٹوٹنے کی آئی تھی پسلیوں سے
مظلوم کے لبوں پر بس ہائے سیّدہؑ ہے
لوگو یہ شہرِ کوفہ مُسلمؑ کی کربلا ہے

ہوتا گیا اضافہ بیکس کی بیکسی مِیں
کھینچا گیا ہے لاشہ کوفے کی ہر گلی مِیں
شبیرؑ کی طرح سے سَر جسم سے جُدا ہے
لوگو یہ شہرِ کوفہ مُسلمؑ کی کربلا ہے

کوفے مِیں در بدر تھے مُسلمؑ کے شاہزادے
اپنے پدر کو آخر کیسے کفن وہ دیتے
سجادؑ پر جو آیا ویسا ہی مرحلہ ہے
لوگو یہ شہرِ کوفہ مُسلمؑ کی کربلا ہے

قاصد شہِؑ ہدیٰ کا پیاسا تھا بے وطن تھا
چالیس دِن ہوئے تھے لاشہ بھی بے کفن تھا
جو شہؑ کے ساتھ ہوگا سب کچھ وہی ہوا ہے
لوگو یہ شہرِ کوفہ مُسلمؑ کی کربلا ہے

ازلانؔ اور میثمؔ تھا سیّدہؑ کا نوحہ
اے میرے لال تجھ کو مارا گیا ہے پیاسا
مُسلمؑ کی لاش پر بھی زہراؑ کی یہ بُکا ہے
لوگو یہ شہرِ کوفہ مُسلمؑ کی کربلا ہے

Muslim Ki Karbala Lyrics - Mesum Abbas