Mir Hasan Mir
Mir Takallum
Pathar Hata Ke Lash Se Zainab Ne Di Sada
Kya Tum Mere Hussain Ho
Kaise Pade Hain Jism Ke Tukde Juda Juda
Kya Tum Mere Hussain Ho
Haye Haye Mere Ghareeb Ka Kya Haal Kar Diya
Ghoron Se Lasha Dasht Mein Pamal Kar Diya
Pehchanu Kis Tarha Se Badan Se Hai Sar Juda
Pehchan Lon Gi Main Tumhein Aawaz Mujh Ko Do
Dam Todte Jo Dekha Hai Kadiyal Jawan Ko
Aankhon Mein Ab Behan Ki Ujala Nahi Raha
Pehchanna Tumhare Liye Bhi Kathin Howa
Dekha Hai Pehli Bar Jo Zainab Ko Be Rida
Aati Hai Sharm Jald Bata Do Mujhe Zara
Karta Raha Hai Zibha Ki Koshish Kahan Kahan
Khanjar Ke Hain Kati Hoyi Gardan Pe Bhi Nishaan
Kata Hai Kis Tarha Se Sitamgaar Ne Gala
Kya Le Gaye Hain Loot Ke Sab Kuch Ye Ashqiya
Tan Par Bacha Hai Maa Ka Ye Kurta Sila Howa
Nikle The Jab Khayam Se Ye Haal To Na Tha
Aahista Se Jawab Do Hai Sath Oss Ki Maa
Kya Ab Tumhare Pas Hai Masoom Be Zaban
Nana Sa Lasha Kis Ka Ye Seene Pe Hai Rakha
Dekho Bandhi Hain Hathon Mein Mere Bhi Rasiyan
Ab Or Lo Behan Ki Na Ghurbat Ka Emtehan
Kuchh To Jawab Do Mujhe Sughra Ka Wasta
Wo Bhi Tumhari Tarha Se Zakhmi Na Ho Kahin
Dil Ko Mere Ye Lagta Hai Mujood Hain Yahin
Aati Hai Maa Ke Rone Ki Nazdeek Se Sada
Zainab Pukari Mir Takallum Basad Malal
Kya Marte Waqt Bhi Mere Parde Ka Tha Khayal
Hai Muthiyon Mein Kis Liye Ye Khak e Karbala
