Karbobala Naseeb Se Jana Naseeb Ho Lyrics - Mir Hasan Mir

This website is for sale — Interested? Learn more →

Karbobala Naseeb Se Jana Naseeb Ho Lyrics - Mir Hasan Mir

Karbobala Naseeb Se Jana Naseeb Ho Lyrics in Urdu

اُٹھے ہیں ہاتھ خُدایا اِسی دُعا کے لیے
نصیب ہو سفرِ عشق کربلا کے لیے
کرب و بلا نصیب سے جانا نصیب ہو

پھر لوٹ کر وہاں سے نہ آنا نصیب ہو
کرب و بلا نصیب سے جانا نصیب ہو

آنکھوں کو جب بھی اشک بہانا نصیب ہو
آلِؑ نبیؐ کے غم کا بہانہ نصیب ہو
کرب و بلا نصیب سے جانا نصیب ہو

ایسا درِ حسینؑ پہ سجدہ ہو آخری
پھر مجھ کو اپنا سر نہ اُٹھانا نصیب ہو
کرب و بلا نصیب سے جانا نصیب ہو

پروردِگار ٹھوکریں در در کی کب تلک
اب مستقل نجف مِیں ٹھکانا نصیب ہو
کرب و بلا نصیب سے جانا نصیب ہو

جیسا مِلا نصیب سے اُم البنینؑ کو
اب کیا کسی کو ایسا گھرانہ نصیب ہو
کرب و بلا نصیب سے جانا نصیب ہو

محشرؔ یہ آرزو ہے کہ بے غسل و بے کفن
کرب و بلا کی تہ میں سمانا نصیب ہو
کرب و بلا نصیب سے جانا نصیب ہو

آنسو گرے تھے بالی سکینہؑ کے جس جگہ
اپنا وہاں پے خون بہانا نصیب ہو
کرب و بلا نصیب سے جانا نصیب ہو

یہ کہہ کے شاہؑ نکلے مزارِ رسولؐ سے
پردیس مِیں کفن مُجھے ناناؐ نصیب ہو
کرب و بلا نصیب سے جانا نصیب ہو

اصغرؑ ہیں میرے ہاتھ بندھے کہتی تھی ربابؑ
کیسے تمہیں گلے سے لگانا نصیب ہو
کرب و بلا نصیب سے جانا نصیب ہو

مشکیزہ لے کے روضہء عباسؑ کے قریب
سب زائروں کو پانی پِلانا نصیب ہو
کرب و بلا نصیب سے جانا نصیب ہو

اِک سَر بُریدہ لاشے نے بچی کو دی دُعا
زنداں سے تُجھ کو لوٹ کے آنا نصیب ہو
کرب و بلا نصیب سے جانا نصیب ہو

نزدیکِ خیمہ گاہ سکینہؑ کی یاد مِیں
شامِ غریباں شمع جلانا نصیب ہو
کرب و بلا نصیب سے جانا نصیب ہو

سجادؑ شام تک یہی کرتے رہے دُعا
چادر مُجھے پھپھی کو اُڑھانا نصیب ہو
کرب و بلا نصیب سے جانا نصیب ہو

اے کاش پھر سے میر تکلمؔ فرات پر
مہدیؑ کو شہؑ کا نوحہ سُنانا نصیب ہو
پھر لوٹ کر وہاں سے نہ آنا نصیب ہو
کرب و بلا نصیب سے جانا نصیب ہو