Mir Hasan Mir
Mir Takallum
Kalma Go Haste Rahe Fatima Roti Rahi
Jalte Darwaze Tale Siskiyaan Leti Rahi
Haye Maa Zainab Ki
Kalma Go Haste Rahe Fatima Roti Rahi
Itni Be Bas Thi Madine Mein Nabi Ki Dukhtar
Jalta Darwaza Kissi Ne Na Uthaya Aa Kar
Haye Kaisa Tha Sitam Rakh Ke Quraan Pe Qadam
Aa Gaye Ghar Mein Shaqi
Kalma Go Haste Rahe Fatima Roti Rahi
Tane Sunte The Ye Bazar Mein Logon Se Ali
Iss Ne Mara Tha Hamarey Hi Bazurgon Ko Kabhi
Hum Ne Youn Badlah Liya Qatal Zahra Ko Kiya
Kuchh Na Kar Paya Ali
Kalma Go Haste Rahe Fatima Roti Rahi
Jaise Qassab Zabihe Ko Liye Jate Hain
Aaise Haider Ko Laeen Khainch Ke Le Aate Hain
Aage Aage Hain Ali Pichhe Pichhe Woh Chali
Jo Hai Zakhmo Se Bhari
Kalma Go Haste Rahe Fatima Roti Rahi
Yaad Jab Aata Hai Dil Hota Hai Para Para
Kaise Hasnain Ki Madar Ko Laeen Ne Mara
Khoon Aankhon Se Baha Sirf Ya Mehdi Kaha
Our Zameen Par Woh Giri
Kalma Go Haste Rahe Fatima Roti Rahi
Sirf Pehlu Nahi Bazu Bhi Shikasta Ho Ga
Tum Ne Kis Tarha Janazay Ko Sanbhala Ho Ga
Kaise Turbat Mein Rakha Tanha Maiyyat Ko Bhala
Mere Mazloom Ali
Kalma Go Haste Rahe Fatima Roti Rahi
Baap Ki Qabar Pe Dewarein Pakad Kar Jana
Our Rote Hoye Oss Haal Mein Wapas Aana
Iss Aziyat Ki Magar Hai Sakina Ko Khabar
Fatima Kaise Chali
Kalma Go Haste Rahe Fatima Roti Rahi
Sath Darbar Se Rote Hoye Aate The Hasan
Maa Ke Qadmo Ke Nishano Ko Mitate The Hasan
Oss Pe Ye Zulm Howa Hath Zalim Ka Utha
Khak Par Zahra Girin
Kalma Go Haste Rahe Fatima Roti Rahi
Jis Ghari Ho Gaya Rukhsar Mein Paiwast Gohar
Ro Ke Kehta Raha Khud Se Abu Talib Ka Pisar
Aisay Takta Na Tujhe Maut Aa Jati Mujhe
Kash Ae Bint e Nabi
Kalma Go Haste Rahe Fatima Roti Rahi
Din Mein Jab Chand Takallum Ka Wahan Jata Hai
Tooti Qabron Pe Koi Saya Nazar Aata Hai
Mujh Ko Lagta Hai Yehi Ab Bhi Hain Bint e Nabi
Dhoop Mein Bethi Hui
Kalma Go Haste Rahe Fatima Roti Rahi











