Mir Hasan Mir
Hasnain Akbar
Phir Fatima Ke Ghar Mein Farsh e Azza Bichha Hai
Beemar e Karbala Ka Taboot Utha Raha Hai
Karb o Bala Ka Zakhmi Yasrab Mein Chal Basa Hai
Zair e Kafan Bhi Oss Ki Aankhon Se Khoon Hai Jaari
Yad Aa Rahi Hai Ghurbat Sajjad Ko Padar Ki
Roze Se Mustafa Ke Aailan Ho Raha Hai
Baqir Se Keh Raha Tha Sadaat Ka Gharana
Pehlu Mein Nana Jaan Ke Maiyat Na Le Ke Jana
Pehle Bhi Ek Janaza Ghar Wapis Aa Chuka Hai
Ab Tu Madine Walo Tum Ko Sakoon Rahe Ga
Roye Ga Or Na Iss Ki Aankhon Se Khoon Bahe Ga
Baba Ko Rone Wala Khamosh Ho Gaya Hai
Maiyat Ke Aage Aage Ye Koi Keh Raha Tha
Bazar Se Na Guzre Sajjad Ka Janaza
Bazar Ko Ye Qaidi Rota Huwa Gaya Hai
Mara Hai Iss Tarha Se Zalim Ne Zehar De Ke
Kat Kat Ke Bahir Aaye Iss Ke Jigar Ke Tukde
Pehlu Pe Fatima Ke Phir Zakhm Ik Laga Hai
Taboot Se Lipat Kar Kehti Hai Koi Bachi
Zindan Se Hai Aai Bhaiya Behan Tumhari
Aankhein Tu Khol Lo Ab Sar Par Mere Rida Hai
Akbar Jo Lash e Fizza Dafna Ke Uthe Mola
Aayi Sada e Zainab Baqir Watan Chala Ja
Sajjad Ka Janaza Taiyar Ho Gaya Hai











