Ya Ali Meri Mayyat

Zahra Ki Ab Jahan Se Rukhsat Hai Ya Ali
Tum Se Yehi Hamari Wasiyat Hai Ya Ali

Ya Ali Meri Maiyyat Par Mera Haq Khane Wale Na Aayen

Darbar Mein Teri Zahra Ko Jhutlane Wale Na Aayen
Ya Ali Meri Maiyyat Par Mera Haq Khane Wale Na Aaein

Ya Ali Mere Baba Har Lamha Jis Dar Ko Choma Karte The
Oss Dar Ko Jalane Wale Our Jalwane Wale Na Aayen

Ya Ali Meri Hasrat Thi Tum Ko Baba Ke Mimber Par Dekhon
Haye Teri Jagah Oss Mimber Par Aa Jane Wale Na Aayen

Ya Ali Sab Ahl e Saqeefa Ko Paigham Mera Yeh De Dena
Baba Ke Pak Janaze Par Na Aane Wale Na Aayen

Ya Ali Pehlu Bhi Shikasta Hai Baloon Mein Safaidi Chhayi Hai
Zahra Ko Teri Iss Halat Mein Pohanchane Wale Na Aayen

Ya Ali Mere Mohsin Par Giriya Haq Tha Mera Jo Chheen Liya
Ya Ali Mujhe Marte Marte Bhi Tadpane Wale Na Aayen

Ya Ali Zainab Ki Aankhon Mein Mujhe Khoof Dikhai Deta Hai
Gardan Mein Teri Haye Tang Rasan Pehnane Wale Na Aayen

Ya Ali Meri Maiyyat Ko Chhup Kar Tareeki Mein Dafna Dena
Rone Ke Liye Mujh Par Mujh Ko Rulwane Wale Na Aayen

Salman Main Bibi Ka Noha Meesum Ke Liye Kaise Likhon
Jab Tak Janat Mein Le Ja Kar Likhwane Wale Na Aayen