Mesum Abbas
Mazhar Abidi
Alif Hai Laam Meem Hai, Azeem Tha Azeem Hai
Najaf Ka Dur Aqeeq Hai, Kareem Hai Shafeeq Hai
Hussain Wo Hai Hur Ko Jo Azaab Se Nikaalde
Hussain Wo Hai Jaun Ko Jo Husn De Jamaalde
Saare Jahan Ko Paalne Waala
Sab Ke Ghamon Ko Taalne Wala
Koi Nahi Koi Nahi Bus Hussain Hai
Kareem E Karbala Hussain
Jiske Karam Se Ahle Wafa Ko Samar Mile
Bezar Ko Zar Mile Kabhi Beghar Ko Ghar Mile
Ho Uska Waasta To Dua Ko Asar Mile
Hur Ko Jinnah Mile Kabhi Fitrus Ko Par Mile
Koi Nahi Koi Nahi Bus Hussain Hai
Kareem E Karbala Hussain
Haan Ye Mere Hussain Ka Jood O Karam Bhi Hai
Jis Ghar Me Hai Namaz Ussi Mai Alam Bhi Hai
Baaqi Hai Gar Azaan To Matam Bhi Gham Bhi Hai
Mera Hussain Malik E Lauho Qalam Bhi Hai
Koi Nahi Koi Nahi Bus Hussain Hai
Kareem E Karbala Hussain
Kis Ke Karam Ki Dhoom Hai Rahib Kahe Hussain
Jiski Talab Hussain Wo Talib Kahe Hussain
Duldul Ki Pusht Par Hai Jo Rakib Kahe Hussain
Haan Apna Peshwa Jisse Ghalib Kahe Hussain
Koi Nahi Koi Nahi Bus Hussain Hai
Bemisl Hai Karim Ali Ka Pisar Hussain
Ek Sayeban Qadeem Ali Ka Pisar Hussain
Do Jag Se Hai Azeem Ali Ka Pisar Hussain
Alhamd Ki Hai Meem Ali Ka Pisar Hussain
Koi Nahi Koi Nahi Bus Hussain Hai
Tera Karam Maula Maula
Zair Jo Gaye Karbobala, Tera Karam
Hajji Ka Laqab Unko Mila, Tera Karam
Hajj Se Siwa Sawaab Mila, Tera Karam
Bhokha Na Koi Pyasa Raha, Tera Karam
Tera Karam Maula Maula
Aulaad Wafa Rizq Hunar, Tera Karam
Hum Sub Ko Mila Zaade Safar, Tera Karam
Karte Hain Talab Jinn O Bashar, Tera Karam
Zinda Na Rahain Ho Na Agar, Tera Karam
Mushkilon Ko Taal De, Ghum Se Jo Nikaal De
Ilm De Kamaal De, Ishq E Lazawal De
Ibn E Lafatah Hai Kon, Dard Ki Dawa Hai Kon
Fakhre Ambiya Hai Kon, Nazish E Khuda Hai Kon
Koi Nahi Koi Nahi Bus Hussain Hai
Kareem E Karbala Hussain
Hussain Ne Yazediyat Ko Khaak Mai Mila Diya
Chiraagh E Deen Mustafa Hawaaon Me Jaladiya
Ajal Ne Maanga Ek Sar To Ghar Ka Ghar Luta Diya
Hussain Phir Hussain Hai Sina Pe Bhi Batadiya
Ya Mola Ya Hussain
Bad E Hussain Qaidi Hueen Bibiyan Tamaam
Karbobala Ke Dasht Se Pohonche Dayaar E Shaam
Aankhon Se Khoon Bahate Rahe Rah Mai Imam
Hakim Ke Saamne Kiya Zainab Ne Yoon Kalam
Koi Nahi Koi Nahi Bus Hussain Hai
Kareem E Karbala Hussain
Mesum Mere Hussain Ka Jaisa Nahi Koi
Yaani Khuda E Sabr O Raza Bepanah Sakhi
Jiske Karam Ko Dekh Ke Hairaan Thy Nabi
Phir Kyun Na Saaf Saaf Kahay Mazhar Abidi
Koi Nahi Koi Nahi Bus Hussain Hai
Kareem E Karbala Hussain
