Aye Wallah

Ja Baja Parey Hein Aqraba Ke Lashe
Hai Badan Kisi Ka, Haath Hein Kisi Ke
Be Kafan Laash Sabhi, Haye Hussaina
Ye Zameen Tapti Huwi, Haye Hussaina
Phir Bhi Bachpane Ka Waada Nibhaya, Aye Wallah
Dasht E Karbala Main Kehti Thi Zehra, Aye Wallah

Kaise Dediye Ye Imtehaan Beta
Ek Javaan Bhai, Ek Javaan Beta
Sab Tujhe Chhor Gaye, Haye Hussaina
Dil Tera Tor Gaye, Haye Hussaina
Hausala Barhane Aa Gaye Baba, Aye Wallah
Dasht E Karbala Main Kehti Thi Zehra, Aye Wallah

Khaak Par Sakina Kar Rahi Thi Nauha
Ayiye Najaf Se Ab Madad Ko Dada
Ayi Haidar Ki Sada, Haye Hussaina
Teri Himmat Pe Fida, Haye Hussaina
Jo Na Kar Saka Me, Tune Kardiya, Aye Wallah
Dasht E Karbala Main Kehti Thi Zehra, Aye Wallah

Ye Zameen E Maqtal, Khoon Ugal Rahi He
Dasht E Karbala Me Kaisi Bekasi He
Dar E Khama Pe Behan, Haye Hussaina
Hay Labon Par Ye Sukhan, Haye Hussaina
Teri Musibat Par, Roye Gi Dunya, Aye Wallah
Dasht E Karbala Main Kehti Thi Zehra, Aye Wallah

Ek Naya Sitam He Ye Dil E Hazeen Par
Ab He Tera Laasha, Zeen Na Zameen Par
Woh Tera Khushk Dahan, Haye Hussaina
Kund Khanjar Ki Chubhhan, Haye Hussaina
Bas Tujhe Bachane Aa Gayi Beta, Aye Wallah
Dasht E Karbala Main Kehti Thi Zehra, Aye Wallah

Farshe Gham Pe Mesum Jab Parha Ye Noha
Dil Tarap Raha Tha Mazhar Abidi Ka
Matami Kehne Lage, Haye Hussaina
Ashq Ankhon Se Gire, Haye Hussaina
Marsiya Mukammal He Yahi Jumla, Aye Wallah
Dasht E Karbala Main Kehti Thi Zehra, Aye Wallah