Farhan Ali Waris
Mir Takallum
Zehra Zehra
Zehra Zehra
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Tumhari Musibat Bhulaunga Kaise
Main Bachhon Se Aansu Chhupaunga Kaise
Tumhain Yaad Kar Ke Jo Royenge Bachay
Me Bachon Ko Apne Manaunga Kaise
Tasawur Me Zehra Se Kar Ye Baatein
Jhukaye Sar Apna Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Kabhi Aansuon Ko Chhupati Hai Zainab
Kabhi Bhaiyon Ko Uthaati Hai Zainab
Kabhi Ghar Ke Aangan Me Aati Hai Zainab
Kabhi Maa Ke Hujre Me Jaati Hai Zainab
Kabhi Ro Ke Dukhiya Ye Karti Hai Noha
Utho Amma Fizza Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Utho Shahzadi Hua Hai Andhera
Tumhare Bina Wo Kahan So Sakega
Main Jaunga Wapis To Bolega Baba
Meri Maa Kahan Hai Bulado Khudara
Akele Jala Kar Charagh Aansuon Ka
Sar e Qabr e Zehra Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Hai Shehar e Nabi Me Saman Karbala Ka
Na Koi Tasalli Na Koi Dilasa
Taraste Hain Ghar Me Yateeman e Zehra
Koi Aake Deta Nahin Inko Pursa
Hussain o Hasan Ka Kahin Par Hai Giriya
Kahin Mere Mola Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Kabhi Is Jagah Ko Na Bhulenge Mola
Ye Kucha Hai Maqtal Dil e Murtaza Ka
Yahan Se Na Guzre Hassan Baad e Zehra
Sitamgar Ne Mara Tha Yun Taziyana
Muhammad Ki Beti Zamin Par Giri Thi
Yahan Baithe Tanha Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
Ya Zehra Ya Zehra
Wo Lamhain Hain Mushkil Ali Ko Bhulana
Wo Pahlu Pe Jalte Huye Dar Ka Girna
Wo Aahon ka Marna Wo Zakhmon Ka Risna
Shahadat Wo Mohsin Ki Zehra Ka Rona
Takallum Abhi Tak Isi Bekasi Par
Lahad Me Bhi Maula Ali Ro Rahain Hain
Andheray Andheray Yatimon Se Chhup Kar
Sar e Qabr e Zehra Ali Ro Rahain Hain
